Зиндагӣ дар яке аз сардтарин маконҳои Тоҷикистон — деҳаи Булункӯли ноҳияи Мурғоб бо маром идома дорад

Январь 14, 2017 09:55

ХОРУҒ, 14.01.2017 /АМИТ Ховар/. Деҳаи Булункӯли ноҳияи Мурғоб дар чанд соли охир сардтарин рӯзҳои фасли зимистонро сипарӣ мекунад. Сардори истгоҳи обуҳавосанҷии ин мавзеъ Шароб Шаробов мегӯяд, ки назар ба дигар манотиқи кишвар фасли зимистон дар ин ҷо тӯлонӣ ва хеле сард мебошад. Солҳое буданд, ки  ҳарорати ҳаво то 60 дараҷа хунук мешуд, аммо сокинони деҳот ба ин одат кардаанд. Хунукии ҳавои имсола ба 45 дараҷа расидааст.
Бо супориши раиси ВМКБ Шодихон Ҷамшед як гурӯҳи корӣ ба ин деҳа фиристонида шуд, то бо вазъи кору зиндагии мардум аз наздик шинос шаванд ва баъзе аз мушкилоти онҳоро ҳал намоянд. Дар деҳаи Булункӯл  ҳамагӣ 32 хонавода истиқомат доранд, ки аксари онҳо ба чорводорӣ машғул мебошанд. Зеро чор фасли сол чорвояшон дар теппаву кӯҳдоманҳо чаро ва барои худ ғизо пайдо мекунанд. Аммо азбаски имсол ҳама ҷоро барф зер кард, ба берун баровардани чорво низ каме мушкил гашт. Дар сурати идомаи боришот захираи хӯроки чорво камӣ хоҳад кард. Аз ин рӯ бо супориши раиси ВМКБ интиқоли хӯроки чорво аз дигар ноҳияҳо дар назар дошта шудааст.
Ба гуфтаи Шароб Шаробов, яке аз мушкилоти асосии сокинони деҳа дастрасӣ надоштани онҳо ба неруи барқ буд. Бо дастури Пешвои миллат  сокинони деҳа ройгон бо батареяҳои офтобӣ таъмин ва аз тамошои барномаҳои телевизионӣ низ бархурдор гаштанд.

Январь 14, 2017 09:55

Хабарҳои дигари ин бахш

Миқдори безарари кофеин барои як рӯз муайян гардид
ЮНИСЕФ: Ҳар кӯдаки чаҳорум дар Иттиҳоди Аврупо бо камбизоатӣ ва маҳдудияти иҷтимоӣ рӯ ба рӯ аст
Дар Хуҷанд озмуни вилоятии «Аллаи модар» ҷамъбаст гардид
Имрӯз дар Тоҷикистон ҳаво 12 дараҷа гарм мешавад
Ба сарбозони фаъоли қисми ҳарбии Кумитаи ҳолатҳои фавқулода ва мудофиаи гражданӣ дар Суғд рутбаҳои нави ҳарбӣ дода шуд
НАЗАРИ КОРШИНОС. Таҷрибаи ҷаҳонӣ собит месозад, ки рушди давлатҳои пешрафтаи дунё аз баланд будани сатҳи маърифати ҳуқуқии шаҳрвандон вобастагӣ дорад
Дар Донишгоҳи давлатии ҳуқуқ, бизнес ва сиёсати Тоҷикистон мусобиқаи ҳарбӣ-варзишӣ доир гардид
Дар Душанбе Ташкилоти ибтидоии «Китобшинос» таъсис ёфт
Талафоти чорво дар миқёси Муғулистон аз 1,5 миллион гузашт
Ҳунар ва чирадастии Давлатманди Холро ба инобат гирифта, метавон ӯро «Борбади сонӣ» номид
Имрӯз дар Тоҷикистон ҳавои тағйирёбанда пешгӯӣ мешавад
«МАН ВАТАНДОРАМ!». Ба шарафи 31-солагии Қувваҳои Мусаллаҳи Тоҷикистон дар Донишгоҳи давлатии Хоруғ дарси намунавӣ гузаронида шуд