10 феврал ҳавопаймои «Сомон Эйр» бо хатсайри санҷишӣ ва иштироки намояндагони сохторҳои авиатсионии Тоҷикистон ба Тошканд парвоз мекунад
ДУШАНБЕ, 01.02.2017. /АМИТ «Ховар»/. Ширкати ҳавопаймоии «Сомон Эйр» ифтитоҳи хатсайри нав ба самти Душанбе-Тошканд-Душанберо эълон намуд. Дар ин бора ба АМИТ «Ховар» аз хадамоти матбуоти ширкати «Сомон Эйр» хабар доданд.
Ширкати «Сомон Эйр» ният дорад, ки иҷрои парвозҳоро аз Душанбе ба пойтахти Ўзбекистон- шаҳри Тошканд дар мавсими зимистон ҳафтае як маротиба- рўзи душанбе ба роҳ монад. Интизор меравад, ки дар мавсими тобистон миқдори хатсайрҳо зиёд шуда, ҳафтае ду маротиба- рўзҳои душанбе ва панҷшанбе иҷро хоҳанд шуд. Кушодашавии хатсайри нав ба сокинони Тоҷикистон ва Ўзбекистон имкон медиҳад, ки сафари худро дар ин ду масир осонтар кунанд.
Интизор меравад, ки парвозҳои мунтазам 20 феврал шурӯъ гарданд. Вақти парвоз аз шаҳри Душанбе соати 10-00 рӯзона мебошад. Вақти парвоз аз шаҳри Тошканд соати 12-00 нисфирӯзӣ сурат мегирад. Парвоз 45 дақиқаро дарбар хоҳад гирифт.
Гуфта мешавад, ки 10 феврал ҳавопаймо бо хатсайри санҷишӣ ва иштироки намояндагони сохторҳои авиатсионии Тоҷикистон парвоз мекунад. Роҳбарияти ширкати ҳавопаймоии «Сомон Эйр» ният доранд бо намояндагони фурудгоҳи шаҳри Тошканд ва ширкати ҳавопаймоии «Узбекистон Ҳаво Йуллари» музокирот намуда, тамоми масъалаҳои ташкилиро вобаста ба кушодани хатсайри мунтазам баррасӣ намоянд.
Феълан «Сомон Эйр» парвозҳоро аз Тоҷикистон ба Олмон, АМА, Туркия, Хитой, Россия ва Қазоқистон бомуваффақият иҷро мекунад. Пойгоҳи ширкати ҳавопаймоӣ аз ҳавопаймоҳои навъи Боинг 737-300, -800 ва 900 иборат мебошад.
Имрӯз дар баъзе ноҳияҳои алоҳидаи Тоҷикистон туман мефарояд
Имрӯз дар Агентии омор, Бонки миллӣ, Палатаи ҳисоб ва Хадамоти гумрук нишасти матбуотӣ баргузор мегардад
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
Ширкати «Париматч Тоҷикистон» бо «Лигаи футболи Тоҷикистон» шартномаи ҳамкориро идома дод
Дар Маҷмааи сайёҳии «Сафеддара» Форуми блогерон баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
