Агентии назорати маводи нашъаовар, Хадамоти алоқа ва Маркази миллии қонунгузорӣ хабарнигоронро ба нишасти матбуотӣ даъват мекунанд

ДУШАНБЕ, 01.02.2017. /АМИТ Ховар/. Пагоҳ, 2 феврали соли 2017 Агентии назорати маводи нашъаовари назди Президенти Ҷумҳурии Тоҷикистон, Хадамоти алоқаи назди Ҳукумати Ҷумҳурии Точикистон ва Маркази миллии қонунгузории назди Президенти Ҷумҳурии Тоҷикистон нишасти матбуотӣ баргузор менамоянд.
Роҳбарони сохторҳои мазкур омодаанд, ки ба суолҳои хабарнигорони ВАО оид ба дастоварду камбудиҳои фаъолияташон дар соли 2016 посух бигӯянд.
Хотиррасон менамоем, ки нишасти матбуотии Агентии назорати маводи нашъаовари назди Президенти Ҷумҳурии Тоҷикистон соати 10-00 дар толори Агентии мазкур, Хадамоти алоқаи назди Ҳукумати Ҷумҳурии Точикистон соати 11-00 дар толори Маркази матбуоти ҷумҳуриявии АМИТ «Ховар» ва Маркази миллии қонунгузории назди Президенти Ҷумҳурии Тоҷикистон соати 14:00 дар бинои Маркази миллии қонунгузорӣ, воқеъ дар кӯчаи академик А.Адҳамов, №13 баргузор мегарданд.