Қарор дар бораи тартиб ва андозаи хароҷоти маблағҳои суғуртаи давлатии иҷтимоӣ барои табобати санаторию курортӣ

ДУШАНБЕ,01.02.2017/АМИТ «Ховар»/. Ҳукумати Ҷумҳурии Тоҷикистон ахиран қарор дар бораи тартиб ва андозаи хароҷоти маблағҳои суғуртаи давлатии иҷтимоӣ барои табобати санаторию курортӣ, ташкили истироҳати кормандон ва аъзои оилаи онҳо ва чорабиниҳои солимгардонию пешгирикунанда дар корхонаҳоро қабул кард.
Тибқи ин қарор Федератсияи иттифоқҳои касабаи мустақили Тоҷикистон, корхонаю муассиса ва ташкилотҳо, новобаста аз шакли моликият, дар муддати як моҳ бақияи маблағҳои ба ҳолати 1 январи соли 2017 истифоданашудаи суғуртаи давлатии иҷтимоии барои табобати санаторию курортӣ, истироҳати кормандон ва аъзои оилаи онҳо ва чорабиниҳои солимгардонию пешгирикунандаи ба андозаи 1,4 фоиз равонагардидаро, ки аз арзиши як роҳхат ба санаторияҳо, курортҳо ва истироҳатгоҳҳои дохили кишвар зиёд аст, ба суратҳисоби Агентии суғуртаи иҷтимоӣ ва нафақаи назди Ҳукумати ҷумҳурӣ баргардонанд.
Қарори мазкур аз 1 январи соли равон мавриди амал қарор дода шудааст.