«Ҷавонон дар шароити ҷаҳонишавии илм ва таълим» дар Панҷакент

ДУШАНБЕ, 03.02.2017 /АМИТ «Ховар»/. 13-14 феврали соли равон дар Донишкадаи омўзгории Тоҷикистон дар шаҳри Панҷакент бахшида ба Соли ҷавонон Анҷумани илмӣ-амалии байналмилалӣ дар мавзўи «Ҷавонон дар шароити ҷаҳонишавии илм ва таълим» баргузор мегардад.
Забони кории конфронси мазкур тоҷикӣ, русӣ ва англисӣ буда, дар он масъалаҳои умдаи тайёр намудани кадрҳои педагогӣ ва илмӣ дар замони муосир, таҳсилоти фосилавӣ яке аз умдатарин воситаи ҷаҳонишавии таълим, масъалаҳои мубрами фанҳои гуманитарӣ дар шароити ҷаҳонишавӣ, ташаккули иммунитети ғоявии ҷавонон бар зидди терроризм ва экстремизми динӣ, ҷавонон ва рушди фанҳои табиӣ дар шароити ҷаҳонишавӣ баррасӣ мешаванд.
Иштирок дар Анҷуман озод буда, олимон, мутахассисон, толибилмон ва магистрантон метавонанд мақолаҳои илмӣ ва маълумотномаҳои хешро дар ҳаҷми 5-8 саҳифа бо забони тоҷикӣ, русӣ ва англисӣ то 6 феврали соли 2017 ба суроғаи dotp_nauka@mail.ru пешниҳод намоянд.