Ҷавонони ноҳияи Бобоҷон Ғафуров боғи зардолу бунёд карданд

ДУШАНБЕ, 27.02.2017 /АМИТ «Ховар»/. Бахшида ба Соли ҷавонон аз ҷониби варзишгарону ҷавонони ноҳияи Бобоҷон Ғафуров тасмим гирифта шуд, ки дар мавзеи шаҳраки навбунёди Сайҳун дар масоҳати 5 гектар боғи дарахтони зардолу бунёд карда шавад.
Дар ҳашари дастаҷамъии бунёди боғи интенсивии зардолу, ки бо иқдоми бахши ҷавонон, варзиш ва сайёҳии ноҳияи Бобоҷон Ғафуров роҳандозӣ гардид, зиёда аз 300 нафар ҷавонон-варзишгарон аз 12 ҷамоати деҳоти ноҳия иштирок намуданд.
Ба иттилои Олимҷон Зоҳидов, мудири бахши ҷавонон, варзиш ва сайёҳии ноҳияи Бобоҷон Ғафуров, дар ҳашари дастаҷамъии ниҳолшинонӣ зиёда аз 2000 бех ниҳоли зардолу шинонида шуд.