Ба қонун дар бораи созишномаи сармоягузорӣ тағйирот ворид мегардад

ДУШАНБЕ, 22.02.2017/АМИТ «Ховар»/. Интизор меравад, ки имрӯз вакилони палатаи поёнии Парлумони Тоҷикистон лоиҳаи Қонуни Ҷумҳурии Тоҷикистон «Дар бораи бехатарии сейсмикӣ»-ро баррасӣ ва қабул намоянд.
Ҳамзамон дар ҷаласаи навбатии иҷлосияи сеюми Маҷлиси намояндагон ворид намудани тағйирот ба Қонуни Ҷумҳурии Тоҷикистон «Дар бораи созишномаи сармоягузорӣ» дар назар аст.
Инчунин лоиҳаи қарорҳои Маҷлиси намояндагони Маҷлиси Олии Ҷумҳурии Тоҷикистон «Дар бораи пеш аз муҳлат қатъ гардидани ваколати вакили Маҷлиси намояндагони Маҷлиси Олии Ҷумҳурии Тоҷикистон Қаландарзода Мавлуда Сатторӣ» ва «Дар бораи аз ҳайати Кумитаи Маҷлиси намояндагони Маҷлиси Олии Ҷумҳурии Тоҷикистон оид ба қонунгузорӣ ва ҳуқуқи инсон баровардани Қаландарзода Мавлуда Сатторӣ» баррасӣ ва қабул мегардад.