Байни Донишгоҳи миллии Тоҷикистон ва Донишгоҳи Қундуз Ёддошти тафоҳум оид ба ҳамкорӣ ба имзо расид

ДУШАНБЕ, 17.02.2017 /АМИТ «Ховар»/. Дар ҳошияи сафари расмии Вазири корҳои хориҷии Ҷумҳурии Исломии Афғонистон Салоҳиддин Раббонӣ ба Ҷумҳурии Тоҷикистон 16 феврали соли 2017 дар ҳузури вазирони корҳои хориҷии ду кишвар маросими имзои Ёддошти тафоҳум дар мавриди ҳамкории Донишгоҳи миллии Тоҷикистон ва Донишгоҳи Қундузи Афғонистон баргузор шуд. Дар ин бора аз Вазорати корҳои хориҷии Ҷумҳурии Тоҷикистон хабар доданд.
Имзои ин санад шароити мусоидро барои тавсеаи табодули таҷриба дар соҳаи маориф, илм, омода кардан ва такмили ихтисоси мутахассисон фароҳам меоварад. Протокол ҳамчунин ба таҳкими ҳамкории байналмилалӣ ва татбиқи тарҳҳои муштараки илмию таълимӣ, барқарор намудани робитаҳои судманд миёни доираҳои илмии ду кишвари ҳамсоя мусоидат мекунад.