БДА ба ронандагон: «Ҳангоми ҳаракат дар роҳҳо боэҳтиёт бошед!»
ДУШАНБЕ, 17.02.2017. /АМИТ «Ховар»/. Раёсати Бозрасии давлатии автомобилии Вазорати корҳои дохилии Ҷумҳурии Тоҷикистон ба диққати шаҳрвандон, алалхусус ронандагони воситаҳои нақлиёт ва мусофирон мерасонад, ки тибқи маълумоти Агентии обуҳавошиносии мамлакат рӯзҳои наздик якбора паст шудани ҳарорати ҳаво ва боридани барфу борон дар назар аст. Дар роҳҳои мошингарди ҷумҳурӣ, аз ҷумла роҳҳои Душанбе-Хуҷанд-Чаноқ, Душанбе-ағбаи Қулма, Ваҳдат-Рашт-Лахш эҳтимолияти фаромадани тарма дар назар дошта шудааст.
«Бинобар ин ба ронандагони воситаҳои нақлиёт тавсия дода мешавад, ки ҳангоми ҳаракат дар роҳҳо боэҳтиёт бошанд ва таҷҳизоти иловагии зиддилағшиш — занҷир, таноб ва дигар лавозимоти заруриро бо худ гиранд. Бе зарурат ба минтақаҳои кӯҳистон ва мавзеъҳои мушкилгузар сафар нанамоянд»,-ҳушдор додааст Раёсати мазкур.
Дар шаҳри Душанбе ҳавои камабри бебориш пешгӯӣ мешавад
ҚУРБИ АСЪОР: 1 рубли русӣ аз 0.0990 то 0.1100 сомонӣ муқаррар шудааст
Дар шаҳри Гулистон беш аз 50 корхонаи саноатӣ фаъолият менамояд
Садои тоза ва интернети босуръат: муштариён VoLTE-ро интихоб мекунанд
Дар шаҳри Душанбе муколамаи G10 Insight Forum 2026 оғоз гардид
Дар доираи Форуми соҳибкории «Тоҷикистон ба пеш!» 23 Созишномаи ҳамкорӣ ба имзо расид
Дар қаламрави Тоҷикистон заминларза ба амал омад
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
