Боронгарӣ ва тармафароӣ баъзе аз муассисаҳои таълимиро ба таътили маҷбурӣ водор кард
ХОРУҒ, 04.02.2017. /АМИТ «Ховар»/. Боронгариҳои шадид ва тармафароии пай дар пайи манотиқи кӯҳии кишварро ба назар гирифта, Вазорати маориф ва илми ҷумҳурӣ бо мақсади ҳифзи бехатарии кӯдакону наврасон дар муассисаҳои таълимии ноҳияҳои ВМКБ таътил эълон кард. Сардори Раёсати маорифи вилоят Эраҷ Ҷонмирзоев бо тасдиқи ин хабар гуфт, ки ба ҷуз аз мактабҳои шаҳри Хоруғ ва маркази ноҳияҳо дигар аксарияти муассисаҳои таҳсилоти умумӣ муваққатан баста шуданд.
«Роҳи бештари кӯдакону наврасон аз кӯҳдоманҳо мегузарад ва имкони ҳар лаҳза фаромадани тарма дар ин мавзеъҳо вуҷуд дорад. Барои мо саломатии хонандагон дар мадди аввал меистад. Аз ин рӯ аз Вазорати маориф ва илми ҷумҳурӣ хоҳиш намудем, ки то муътадил гардидани вазъи обу ҳаво дар муассисаҳои таълимие, ки дар мавзеъҳои зери хатари эҳтимолӣ ҷойгиранд, барои таътили иловагии зимистона иҷозат диҳад»,-иброз дошт Эраҷ Ҷонмирзоев.
Вазорати маориф ва илми ҷумҳурӣ омӯзгоронро муваззаф намуд, ки сарфи назар аз таътил ба хонаи хонандагон рафта, ҳамроҳ бо волидон иҷрои нақшаи барномаи таълимиро таъмин намоянд. Илова бар ин, муассисаҳои мазкур мавсими имсолаи таҳсилро 10 рӯз дертар ба поён мерасонанд.
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ багузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
Дар Хуҷанд доир ба масъалаҳои таъмини ҳифзи сирри давлатӣ ва ҳифзи техникии иттилоот конференсияи минтақавӣ баргузор гардид
