Боздиди Сафири Эрон аз Парлумони Тоҷикистон

Февраль 3, 2017 15:01

ДУШАНБЕ,03.02.2017/ АМИТ «Ховар»/. Таҳкими равобити дуҷонибаи Тоҷикистону Эрон 3 феврал дар мулоқоти муовини Раиси Маҷлиси намояндагони Маҷлиси Олии Ҷумҳурии Тоҷикистон Хайринисо Юсуфӣ ва Сафири Фавқулода ва Мухтори Ҷумҳурии Исломии Эрон дар Ҷумҳурии Тоҷикистон Ҳуҷҷатулло Фағонӣ дар Душанбе баррасӣ гардид.
«Эрон аз аввалин кишварҳост, ки истиқлолияти давлатии Ҷумҳурии Тоҷикистонро ба расмият шинохт ва сафорати худро дар Душанбе ифтитоҳ кард», гуфт муовини Раиси Маҷлиси намояндагон.
Зикр шуд, ки байни ду кишвар, ки дорои умумиятҳои таърихию фарҳангианд, беш аз 170 санади ҳамкорӣ дар бахшҳои гуногун ба имзо расонида шудааст. Эрону Тоҷикистон ҳамвора дар миқёси байналмилалӣ ва мантақавӣ аз якдигар ҳимоят кардаанд ва Эрон аз аввалинҳо шуда, дар бахши иқтисодиёти Тоҷикистон сармоягузорӣ намудааст. Бунёди иншооти муҳими дорои аҳамияти стратегӣ дар Тоҷикистон бо сармояи Эрон, назири неругоҳи барқи обии «Сангтӯда-2», нақби «Истиқлол», бемористони Абӯалӣ ибни Сино, бунёди корхонаи муштараки «ЭрТоҷ» далели ин гуфтаҳост. Алҳод дар Тоҷикистон ҳудуди 200 ширкати эронӣ дар бахшҳои гуногун фаъолият доранд.
Ҳамзамон Сафири Фавқулода ва Мухтори Ҷумҳурии Исломии Эрон дар Ҷумҳурии Тоҷикистон Ҳуҷҷатулло Фағонӣ доир ба равобити мутақобилан судманди Тоҷикистону Эрон дар заминаҳои иқтисодию тиҷоратӣ, илмию фарҳангӣ ва равобити байнипарлумонии ду кишвар ибрози назар намуд.
Аз палатаи поёнии Парлумони Тоҷикистон ба АМИТ «Ховар» иттилоъ доданд, ки дар мулоқот ҳамзамон масъалаҳои мавриди таваҷҷуҳи тарафайн мавриди баррасӣ қарор гирифтанд.

Февраль 3, 2017 15:01

Хабарҳои дигари ин бахш

Имрӯз дар ноҳияҳои алоҳидаи Тоҷикистон борони кӯтоҳмуддат меборад
Имрӯз дар шаҳри Душанбе ҳаво то 38 дараҷа гарм мешавад
Барои кормандони озмоишгоҳҳои Тоҷикистон оид ба ташхиси барвақтии зукоми паранда даври омӯзишӣ гузаронида шуд
Тоҷикистон дар бандари «Чобаҳор»-и Эрон маркази логистикӣ таъсис медиҳад
Дар Донишкадаи байналмилалии Левакант Олимпиадаи V ҷумҳуриявии донишҷӯёни муассисаҳои таҳсилоти олии касбӣ ҷамъбаст гардид
Чанган дар Тоҷикистон — оянда аллакай фаро расид!
Гармии баланди ҳаво ба саломатии инсон чӣ гуна таъсир мерасонад?
Имрӯз дар ноҳияҳои кӯҳии Тоҷикистон ҳаво то 33 дараҷа гарм мешавад
Дар фаъолияти дидбонгоҳҳои гумрукии наздисарҳадӣ модули «Декларатсияи мусофирон» фаъол карда шуд
Имрӯз дар Тоҷикистон ҳаво аз 32 то 42 дараҷа гарм мешавад
Дар Варзоб оид ба истифодаи самараноки неруи барқ вохӯрӣ доир шуд
Қариб 90 ҳазор ронандагон маблағи истифодаи роҳи Душанбе-Чанокро ғайринақдӣ пардохт менамоянд