Брифинг бахшида ба қабули Қатъномаи МУ СММ Даҳсолаи байналмилалии амал «Об барои рушди устувор» дар Вашингтон

ДУШАНБЕ, 27.02.2017 /АМИТ «Ховар»/. 24 феврали соли 2017 дар Бонки ҷаҳонӣ бахшида ба қабули Қатъномаи МУ СММ Даҳсолаи байналмилалии амал «Об барои рушди устувор (2018-2028) бо ташаббуси Сафорати Ҷумҳурии Тоҷикистон дар ШМА ва дар ҳамкорӣ бо Гурӯҳи Бонки ҷаҳонӣ брифинг баргузор гардид.
Дар брифинг Сафири Тоҷикистон дар ШМА Фарҳод Салим, Директори иҷроияи Гурӯҳи Бонки ҷаҳонӣ оид ба Осиёи Марказӣ ва Қафқоз Вернер Грубер, Сардори Дафтари Гурӯҳи Бонки ҷаҳонӣ оид ба ҳамкорӣ дар самти об Рагини Далал сухан гуфта, оид ба нақши Даҳсолаи байналмилалии амал «Об барои рушди устувор» (2018-2028) дар таъмини рушди устувор маълумот доданд.
Дар брифинг Сафир ташаббусҳои байналмилалии Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро дар масъалаҳои об махсус зикр кард.