Чемпиони секаратаи Иттиҳоди Шуравӣ Виктор Чанов аз олам даргузашт

ДУШАНБЕ, 09.02.2017/АМИТ «Ховар»/. Дарвозабони собиқи дастаи «Динамо»-и Киев ва дастаи мунтахаби Иттиҳоди Шӯравӣ Виктор Чанов дар 57-солагӣ бо ин ҷаҳон падруд гуфт. Дар ин бора «Гордон» хабар медиҳад.
Виктор Чанов дар давраи ҳунарнамоиаш дар клубҳои футболи «Динамо» ва ССКА-Борисфен-и Киев, «Шахтёр»-и Донетск, «Маккаби» (Хайфа) ва «Бней Иегуда»-и Исроил бозӣ кардааст. Ӯ чемпиони секаратаи Иттиҳоди Шӯравӣ панҷ дафъа соҳиби Ҷоми СССР, чемпиони Исроил, ғолиби Ҷоми ҷомдорони Аврупо (1986) буд.
Дар ҳайати дастаи мунтахаби СССР аз соли 1982 то 1990 баромад карда, дар 21 вохӯрӣ ширкат кард ва аз дарвозааш 8 тӯб гирифт. Дар ҳайати дастаи мунтахаби Иттиҳоди Шӯравӣ соли 1988 барандаи медалҳои нуқраи Чемпионати Аврупо гардида буд.