Дар Бонки миллии Тоҷикистон огоҳнамоии мустақим оид ба кушодани суратҳисоби бонкӣ дар бонкҳои хориҷӣ фаъол гашт
ДУШАНБЕ, 16.02.2017 /АМИТ «Ховар»/. Тавассути равзанаи ягонаи огоҳнамоӣ тамоми резидентҳои Ҷумҳурии Тоҷикистон, новобаста аз макони ҷойгиршавиашон метавонанд ба таври онлайн (мустақим) Бонки миллии Тоҷикистонро аз кушодани суратҳисоб дар бонкҳои хориҷӣ огоҳ намоянд. Дар ин бора ба АМИТ «Ховар» аз Бонки миллии Тоҷикистон хабар доданд.
Бонки миллӣ тасмим гирифтааст, ки бо мақсади сарфаи вақти шаҳрвандон ва осон кардани тартиби огоҳнамоӣ оид ба кушодани суратҳисобҳои бонкӣ аз тарафи резидентҳо дар бонкҳои хориҷӣ, раванди огоҳнамоии электрониро тавассути сомонаи Бонки миллии Тоҷикистон ба роҳ монад. Тибқи ин тартиб резидентҳо минбаъд имкон пайдо мекунанд, ки оид ба кушодани суратҳисоб дар бонки хориҷа Бонки миллии Тоҷикистонро дар шакли хаттӣ ва ба таври мустақим (электронӣ) огоҳ намоянд.
Мутобиқи моддаи 11 Қонуни Ҷумҳурии Тоҷикистон «Дар бораи танзими асъор ва назорати асъор» — резидентҳо метавонанд дар бонкҳои хориҷӣ бе маҳдудият суратҳисобҳои бонкӣ (пасандозӣ, амонатӣ ва дигар) кушоянд, яъне ҳар як шаҳрванд ҳуқуқ дорад дар бонкҳои хориҷӣ суратҳисоб кушода, маблағҳои дар суратҳисоби хориҷӣ доштаашро бемамониат истифода барад.
Резидентҳое, ки чунин суратҳисобҳоро кушодаанд, бояд дар муддати на дертар аз даҳ рўзи корӣ Бонки миллии Тоҷикистонро аз ин хусус огоҳ намоянд.
Бонки миллии Тоҷикистон дар муҳлати на дертар аз панҷ рӯзи корӣ аз санаи гирифтани огоҳинома ба резидентҳо ҳуҷҷати тасдиқкунанда дар шакли хабарнома пешниҳод мекунад.
Барои сари вақт огоҳ накардани Бонки миллии Тоҷикистон дар хусуси кушодани суратҳисоб аз ҷониби резидент дар бонки хориҷӣ, дар муҳлатҳои муқарраршуда пешниҳод накардани ҳисобот ва дигар маълумоти ба ин суратҳисоб дахлдошта қонуншиканӣ арзёбӣ гашта, шахси гунаҳкор тибқи талаботи қонунгузории Ҷумҳурии Тоҷикистон ба ҷавобгарӣ кашида мешавад.
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
МАСЛИҲАТИ МУТАХАССИС. Мураббои анҷир кори дил ва рагҳои хунгардро муътадил мегардонад
Дар ҳашарҳои экологӣ 9 км канори шоҳроҳи мошингарди Исфара-Хуҷанд аз партовҳо тоза карда шуд
Имрӯз дар Тоҷикистон сар задани селҳои пиряхӣ аз эҳтимол дур нест
