Дар Покистон машварати минтақавӣ оид ба ташаббуси Президенти Ҷумҳурии Тоҷикистон доир ба эълони Даҳсолаи «Об барои рушди устувор» баргузор гардид
ДУШАНБЕ, 17.02.2017 /АМИТ «Ховар»/. Дар шаҳри Исломобод бо ибтикори Сафорати Ҷумҳурии Тоҷикистон дар ҳамкорӣ бо Вазорати илму технологияи Покистон, Фонди илмии Созмони ҳамкории иқтисодӣ ва Шӯрои Ҷумҳурии Исломии Покистон оид ба омӯзиши захираҳои обӣ 15 феврал Машварати минтақавӣ таҳти унвони Даҳсолаи байналмилалии амал «Об барои рушди устувор», солҳои 2018-2028 баргузор гардид. Дар кори он доираи васеи намояндагони баландпояи вазорату идораҳои гуногуни кишвари муқим, мутахассисони Бонки ҷаҳонӣ, Фонди илмии Созмони ҳамкории иқтисодӣ, олимон ва устодони донишгоҳҳо ва институтҳои тадқиқотӣ, инчунин коршиносони ташкилотҳои ғайридавлатӣ ширкат намуданд. Дар ин бора ба АМИТ «Ховар» аз Вазорати корҳои хориҷии Ҷумҳурии Тоҷикистон хабар доданд.
Дар оғоз дар назди иштирокчиёни Машварати минтақавии мазкур Сафири Тоҷикистон Шералӣ Ҷононов, муовини вазири федеролии илм ва технологияи Покистон Муҳаммад Ашраф, Президенти Фонди илмии Созмони ҳамкории иқтисодӣ, профессор Манзур Сумру ва Раиси Шӯрои Ҷумҳурии Исломии Покистон оид ба омӯзиши захираҳои обӣ, профессор Муҳаммад Ашраф сухан гуфтанд.
Аз ҷумла, Сафири Тоҷикистон Шералӣ Ҷононов ба ҳозирин ҷиҳати иштирок дар Машварати минтақавии мазкур изҳори сипос намуда, гуфт, ки ин маърака давоми он ташаббусҳое мебошад, ки аз ҷониби Ҷумҳурии Тоҷикистон андешида шудаанд. Вай гуфт, маҳз бо пешниҳоди Президенти Ҷумҳурии Тоҷикистон, Ҷаноби Олӣ муҳтарам Эмомалӣ Раҳмон 21 декабри соли 2016 Маҷмаи Умумии СММ Қатъномаро зери унвони Даҳсолаи байналмилалии амал «Об барои рушди устувор», солҳои 2018-2028 бо иттифоқи оро ва бо ҳаммуаллифии 177 кишвари узви СММ қабул намуд, ки ҷиҳати эҷоди заминаи устувор барои ҳамоҳангсозӣ ва ҳавасмандгардонии талошҳо ба мақсади ҳаллу фасли мушкилоти марбут ба мудирияти масъалаҳои об мусоидат менамояд.
Баъдан дар кори ин чорабинӣ гурӯҳҳои техникӣ ҷанбаҳои методологӣ, ташкилӣ, ҳуқуқӣ, илмӣ ва амалии татбиқи Даҳсолаи байналмилалии амал «Об барои рушди устувор», солҳои 2018-2028 дар сатҳи миллӣ баррасӣ гардида, дар хатми Машварати минтақавӣ пешниҳодҳои дахлдор қабул гардиданд.
ҶАМЪБАСТИ НИШАСТҲОИ МАТБУОТӢ. 14 август дар Филиали Донишкадаи энергетикаи Москва дар шаҳри Душанбе нишасти матбуотӣ доир мегардад
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
Имрӯз дар шаҳри Душанбе ҳаво то 40 дараҷа гарм мешавад
НИШАСТИ МАТБУОТӢ. Аз ноҳияи Тоҷикобод 20 ҳазору 600 тонна маҳсулоти кишоварзӣ содирот гардид
