Худобердӣ Холиқназар: «Эълон гардидани Соли ҷавонон аз дурандешии Пешвои миллат шаҳодат медиҳад»
ДУШАНБЕ, 02.02.2017/АМИТ «Ховар»/. «Соли ҷавонон эълон гардидани соли 2017 аз ҷониби Пешвои миллат аз хирадмандию дурандешии Президенти кишвар Эмомалӣ Рахмон нисбат ба ҷавонон шаҳодат медиҳад»,-гуфт имрӯз зимни баргузории ҷамъомад Худобердӣ Холиқназар, директори Маркази тадқиқоти стратегии назди кишвар.
Хабарнигори АМИТ «Ховар» иттилоъ медиҳад, ки ҷамъомад ба ифтихори Соли ҷавонон дар мавзӯи «Нақши ҷавонон дар рушди устувори Ҷумҳурии Тоҷикистон» гузаронида шуда, дар он кормандони масъули дастгоҳи иҷроияи Президенти кишвар, вазорату идораҳо, олимону коршиносон ва намояндагони ҷомеаи шаҳрвандӣ иштирок намуданд.
Зикр шуд, ки аз ҷониби Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон Эмомалӣ Раҳмон Соли ҷавонон эълон гардидани соли 2017 бори дигар аз таваҷҷуҳ ва ғамхории Пешвои миллат ба ҷавонон, ки ояндаи миллат ва давлат дар дасти онҳост, шаҳодат медиҳад. Ҷавонон дар шароити феълии ҷомеаи Тоҷикистон, неруи пешбарандаи кишвар буда, фаъолият ва ҷойгоҳи онҳо дар рушди бахшҳои муҳими ҷомеа ва дурнамои рушди соҳаҳои иқтисодиёти кишвар хеле муҳим аст. Дар ин росто баргузории чунин ҳамоиш дар Душанбе бо иштироки ҷавонон дар такмили савияи донишу маҳорат ва баланд бардоштани нақши ҷавонон дар рушди устувори ҷомеаи Тоҷикистон хеле муҳим аст, зеро қисмати бештари аҳолии ҷумҳуриро ҷавонон ташкил дода, неруи созанда ва иқтидори воқеии пешрафи кишварамон мебошанд.
Ҷамъомад дар се бахш- сиёсати давлатии ҷавонон ҳамчун самти стратегии рушди давлатдории миллӣ, нақши ҷавонон дар таъмини суботу рушди иқтисодию иҷтимоӣ ва нигоҳи ҷавонон ба неруи созандаи худ ҷараён гирифт. Иштирокдорони он доир ба дастовардҳои сиёсию иқтисодӣ ва иҷтимоию фарҳангии ҷавонон дар даврони соҳибистиқлолии кишвар ва нақши ҷавонон дар таъмини амнияти миллӣ, ҳифзи арзишҳои миллӣ ва таҳкими пояҳои давлатдории навини миллӣ ва саҳми ҷавонон дар мубориза бар зидди баъзе таҳдиду хатарҳо ва зуҳуроти номатлуби замони муосир, хусусан ифротгароию тундгароӣ ибрози назар намуданд.
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
Пагоҳ дар Агентии омор, Бонки миллӣ, Палатаи ҳисоб ва Хадамоти гумрук нишасти матбуотӣ баргузор мегардад
Ширкати «Париматч Тоҷикистон» бо «Лигаи футболи Тоҷикистон» шартномаи ҳамкориро идома дод
Дар Маҷмааи сайёҳии «Сафеддара» Форуми блогерон баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
ҲИСОББАРОБАРКУНИИ ҒАЙРИНАҚДӢ. 64 фоизи аҳолии калонсоли ноҳияи Шаҳринав дорандаи корти бонкӣ мебошанд
