Масъалаи хушунати хонаводагӣ ва ҷудошавии оилаҳои ҷавон дар ноҳияи Темурмалик баррасӣ гардид

ТЕМУРМАЛИК, 17.02.2017 /АМИТ «Ховар»/. Бахши ҷавонон, варзиш ва сайёҳии ноҳияи Темурмалик дар ҳамкорӣ бо ҳокимияти маҳаллӣ, бахши дин ва дигар сохторҳо оид ба мавзӯи «Хушунат дар оила ва ҷудошавии оилаҳои ҷавон» ҳамоиш баргузор кард. Дар ин бора аз мақомоти иҷроияи ҳокимияти давлатии ноҳия хабар доданд.
Дар ҳамоиш ҷавонон, роҳбарони корхонаю ташкилот ва фаъолон иштирок намуданд. Зикр шуд, ки хушунати хонаводагӣ ва ҷудошавии оилаҳои ҷавон аз масъалаҳои мубрами рӯз мебошанд.
Аслиддини Айниддин, мудири бахши ҷавонон, варзиш ва саёҳии ноҳияи Темурмалик баён дошт, ки волидайн ва аксари шаҳрвандон аз ҳалли ин масъалаи доғи рӯз канораҷӯӣ карда, пешгирии ҷудошавии оилаҳои ҷавонро ба дӯши мақомоти иҷроияи ҳокимияти давлатӣ ва суду прокуратура вогузор мекунанд. Ба ақидаи ӯ, сабаби асосии ҷудошавии олиаҳои ҷавон- ин тарбияи нодурусти ҷавонон, бармаҳал ба шавҳар додани духтарон ва никоҳ бо хешовандони наздик мебошад.