Муовини сарвазири Туркия барои иштирок дар ҷаласаи байниҳукуматӣ ва бизнес-форум ба Душанбе меояд
ДУШАНБЕ, 09.02.2017. /АМИТ «Ховар»/. Ба муносибати 25-умин солгарди истиқрори муносибатҳои дипломатӣ миёни Тоҷикистону Туркия ва баргузории ҷаласаи байниҳукуматӣ ҳафтаи оянда ҳайати баландпояи Туркия таҳти сарварии муовини сарвазири ин кишвар Тугрул Туркеш ба Тоҷикистон ташриф меорад. Дар доираи сафари ин ҳайат 16 феврал дар шаҳри Душанбе бизнес-форум ва мулоқоти b2b Тоҷикистон-Туркия баргузор мегардад. Дар ин бора аз Намояндагии «Expo Central Asia» дар Тоҷикистон ба хабарнигори АМИТ «Ховар» хабар доданд.
Бизнес-форум ва мулоқоти b2b 16 феврал соати 11.30 дар меҳмонхонаи «Шератон»-и шаҳри Душанбе бо ибтикори DEIK, Шӯрои муносибатҳои иқтисодии Туркия, Палатаи савдо ва саноати Тоҷикистон ва бо дастгирии Вазорати саноат ва технологияҳои нав ва Кумитаи давлатии сармоягузорӣ ва идораи амволи давлатии Тоҷикистон ташкил карда мешавад. Дар форум намояндагони 50 ширкати Туркия ва чанде аз ширкатҳои Туркия, ки ҳоло дар Қазоқистон ва Қирғизистон фаъолият мекунанд, ширкат хоҳанд кард. Дар форум аз ҷониби Тоҷикистон наздик ба 400 нафар соҳибкорон иштирок менамоянд.
Пас аз суханрониҳои расмии намояндагони ҳарду давлат миёни соҳибкорон мулоқоти b2b сурат хоҳад гирифт.
Дар ҳайати Туркия намояндагони ширкатҳо дар соҳаҳои кишоварзӣ, техникаи кишоварзӣ, мӯд, маҳсулоти сохтмонӣ, логистика, маҳсулоти ороишӣ (косметикӣ) , маҳсулоти заргарӣ, ИТ-технология, маводи хӯрокӣ ва нӯшокиҳо, бахши хизматрасонӣ, масолеҳи банту басд шомиланд.
Маврид ба зикр аст, ки Туркия яке аз 16-умин минтақаи калонтарини иқтисодӣ дар ҷаҳон, бо 1 триллион доллар Маҷмӯи маҳсулоти миллӣ (МММ) ва 400 миллиард доллар гардиши савдои хориҷӣ маҳсуб ёфта, дар соҳаи сайёҳӣ миёни давлатҳои ҷаҳон дар ҷойи 6-ум аст.
Ёдовар мешавем, ки гардиши савдо миёни Тоҷикистону Туркия ду сол қабл зиёда аз 650 миллион доллари ИМА-ро ташкил мекард. Бо сабаби таъсири буҳрони ҷаҳонии иқтисодӣ он соли гузашта 350 миллион долларро ташкил дод. Интизор меравад, ки солҳои наздик гардиши савдо миёни ду давлат то ба 1 миллион доллар расонида шавад.
Ташкилкунандагони бизнес-форум ҳамаи соҳибкорони Тоҷикистонро барои иштирок ва бастани робитаҳои тиҷоратӣ даъват мекунанд.
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
Пагоҳ дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
ҲИСОББАРОБАРКУНИИ ҒАЙРИНАҚДӢ. 64 фоизи аҳолии калонсоли ноҳияи Шаҳринав дорандаи корти бонкӣ мебошанд
«Бисоз Life»: 2,5 маротиба бештар суҳбат намоед!
Имрӯз дар Тоҷикистон борон ва барф дар назар аст
Вобаста ба таҳким бахшидани ҳамкории милитсия бо ҷомеа дар ноҳияи Ёвон ҳамоиши маърифатӣ-ҳуқуқӣ доир гардид
Агентии амнияти химиявӣ, биологӣ, радиатсионӣ ва ядроӣ ҳамкориро бо Маркази ҷумҳуриявии илмии саратоншиносӣ тақвият мебахшад
