Олимҷон Маҳмадҷонов: «Занон дар таълиму тарбияи насли наврас саҳми назаррас доранд»

ДУШАНБЕ,08.02.2017/АМИТ«»Ховар»/. Дар Донишкадаи давлатии забонҳои Тоҷикистон (ДДЗТ) ба номи Сотим Улуғзода дар партави Паёми Пешвои миллат ва бахшида ба Соли ҷавонон таҳти унвони «Саҳми занон дар таълиму тарбияи насли наврас» ҷамъомад баргузор гардид. Олимҷон Маҳмадҷонов, муовини ректор оид ба илм ва инноватсияи донишкада дар робита ба моҳияти Паём ва Соли ҷавонон таъкид дошт, ки саҳми занон дар тарбияи насли наврас назаррас аст. Аз ин рӯ занон дар тарбия ва таҳсили фарзанд бояд дақиқкор бошанд. Танҳо зан-модар метавонад фарзандро дар рӯҳияи ватандӯстӣ ва илмомӯзӣ тарбия намояд.

М.Товбаева, декани факултети филологияи руси ДДЗТ оид ба «Саҳми бонувон дар мақомоти роҳбарикунанда» иброз дошт, ки «Ҷумҳурии Тоҷикистон дар минтақа ягона давлатест, ки занон дар тамоми мақомот нақши назаррас доранд. Мо бояд барои таълиму тарбияи насли наврас ҳамаҷониба саъю кӯшиш намоем».