Озмуни «Ихтироъкори беҳтарини Тоҷикистон» довталабонро интизор аст

ДУШАНБЕ, 16.02.2017 /АМИТ «Ховар»/. Муассисаи давлатии «Маркази миллии патенту иттилоот» -и Вазорати рушди иқисод ва савдои Ҷумҳурии Тоҷикистон ба муносибати «Рӯзи ихтироъкорон ва навоварони Ҷумҳурии Тоҷикистон» ва «Рӯзи байналмилалии моликияти зеҳнӣ», ки 26 апрел таҷлил мегардад, озмуни «Ихтироъкори беҳтаринии Тоҷикистон»-ро барои солҳои 2015-2016 эълон намуд.
Тавре аз маркази мазкур хабар доданд, натиҷаҳои озмун дар ҷаласаи тантанавие, ки дар Муассисаи давлатии «Маркази миллии патенту иттилоот»-и Вазорати рушди иқтисод ва савдои Ҷумҳурии Тоҷикистон моҳи апрели соли 2017 доир мегардад, эълон карда мешаванд.
Барои иштирок дар озмун ихтироъкорон бояд то 20 феврали соли 2017 ба Муассисаи давлатии «Маркази миллии патенту иттилоот»-и Вазорати рушди иқтисод ва савдои Ҷумҳурии Тоҷикистон муроҷиат кунанд.
Ғолибонро ҷоизаҳои махсус ва туҳфаҳои хотиравӣ интизоранд.