«Паёми Пешвои миллат аз нигоҳи ҷавонон» — ҷамъомад дар Роғун

РОҒУН, 14.02.2017. /АМИТ «Ховар»/. Дар маркази шаҳри Роғун бахшида ба Соли ҷавонон эълон гардидани соли 2017 таҳти унвони «Паёми Пешвои миллат аз нигоҳи ҷавонон» ҷамъомади тантанавӣ доир гардид. Дар ҳамоиш ҷавонони шаҳр ва кормандони ташкилоту муассисаҳои ҳудуди шаҳр иштирок намуданд. Дар ин бора ба хабарнигори АМИТ «Ховар» аз бахши ҷавонони шаҳри Роғун иттилоъ доданд.
Дар ҷамъомад таъкид гардид, ки ҷавонон тоҷик бояд ташаббусҳои созанда пешниҳод намоянду рамзҳои давлатӣ ва дастовардҳои истиқлолиятро ҳифз кунанд ва бо неруи созанда дар ҳаёти сиёсӣ ва иҷтимоии кишвар ширкат кунанд. Соли ҷавонон барои ҷавонон имтиҳон ва масъулияти басо бузург мебошад. Ҳар як ҷавони тоҷик аз дастгириҳои бевоситаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бояд ба манфиати ҷомеа истифода намояд.