Президенти Россия Владимир Путин оғози ҳафтаи оянда бо сафари расмӣ ба Душанбе меояд
ДУШАНБЕ, 22.02.2017./АМИТ «Ховар»/. Президенти Федератсияи Россия Владимир Путин 27 феврал бо сафари дурӯзаи расмӣ ба Душанбе меояд. Дар ин бора имрӯз Вазорати корҳои хориҷии Тоҷикистон хабар дод.
Қаблан ба нияти боздиди В. Путин аз Тоҷикистон муовини якуми Раиси Ҳукумати Федератсияи Россия Игор Шувалов низ зимни ҷаласаи Комиссияи байниҳукуматии Тоҷикистон ва Россия, ки дар Душанбе доир гардид, ишора карда, гуфта буд: «Мо ин сафарро бесаброна интизор ҳастем ва умед дорем, ки пурсамар хоҳад буд». Баъдтар Вазири рушди иқтисод ва савдои Ҷумҳурии Тоҷикистон Неъматулло Ҳикматуллозода дар сӯҳбат ба хабарнигорон изҳор намуд, ки лоиҳаи созишномаҳое, ки бояд дар ҷараёни сафари Путин ба Тоҷикистон имзо шаванд, «асосан ба тақвияти ҳамкории иқтисодӣ бо баъзе минтақаҳои Россия нигаронида шудаанд».
Сафари қарибулвуқӯи Владимир Путин сафари сеюми расмӣ ва дар маҷмуъ сафари нуҳуми ӯ ба Тоҷикистон хоҳад буд. Бори охир Президенти Россия моҳи сентябри соли 2015 ҷиҳати иштирок дар нишасти сарони давлатҳои кишварҳои узви Созмони Паймони Амнияти Дастаҷамъӣ (СПАД) ба Душанбе омада буд.
Хотиррасон менамоем, ки 8 апрели соли ҷорӣ ба барқарорсозии муносибатҳои дипломатӣ байни Ҷумҳурии Тоҷикистон ва Федератсияи Россия расо 25 сол пур мешавад.
Давлатшоҳ Гулмаҳмадзода бо роҳбарони ҷамъиятҳои тоҷикон дар шимолу ғарби Русия вохӯрӣ намуд
Сафири Тоҷикистон бо Губернатори вилояти Ленингради Русия мулоқот намуд
Сафири Тоҷикистон дар Русия бо ҷавонон ва донишҷӯёни тоҷик дар шаҳри Санкт-Петербург мулоқот намуд
Дар Женева дурнамо ва рушди ҳамкорӣ байни Тоҷикистон ва Созмони умумиҷаҳонии моликияти зеҳнӣ баррасӣ шуд
Сафири Тоҷикистон бо Губернатори Санкт – Петербург мулоқот намуд
РАВАНДИ ОБИ ДУШАНБЕ. Сомонаи расмии Конфронси чоруми байналмилалии сатҳи баланд оид ба Даҳсолаи байналмилалии амал «Об барои рушди устувор, 2018–2028» фаъол гардид
Барои иштирок дар Конфронси байналмилалии сатҳи баланд оид ба Даҳсолаи байналмилалии амал «Об барои рушди устувор» бақайдгирӣ оғоз ёфт
Дар Қоҳира ҳамкорӣ байни ширкатҳои Тоҷикистону Миср баррасӣ гардид
Дар Душанбе Ҷаласаи навбатии Шурои сарони ҳукуматҳо (сарвазирон)-и давлатҳои узви СҲШ доир мегардад
Сафири Тоҷикистон бо муовини якуми Раиси Бонки марказии Арабистони Саудӣ мулоқот намуд
Дар Душанбе бо иштироки намояндагони 27 давлат маъракаи ниҳолшинонӣ баргузор шуд
Сафири Тоҷикистон дар Ҷумҳурии Корея бо мудири иҷроияи AFoCO мулоқот намуд
