Р. Раҳимзода: «Қувваҳои мусаллаҳи кишвар ба неруи тавоно ва ниҳоди пурқудрат табдил ёфтаанд»
ДУШАНБЕ, 22.02.2017. /АМИТ «Ховар»/. Дирӯз бахшида ба 24-умин солгарди таъсиси Қувваҳои Мусаллаҳи Ҷумҳурии Тоҷикистон дар қисми низомии 3502-и Қӯшунҳои дохилии Вазорати корҳои дохилии Ҷумҳурии Тоҷикистон бо иштироки Вазири корҳои дохилӣ Рамазон Раҳимзода ҷамъомади идона баргузор гардид.
Тавре аз Вазорати корҳои дохилӣ хабар доданд, Рамазон Раҳимзода афсарону сарбозон ва собиқадорони қӯшунҳои дохилиро бо ин санаи фархунда табрик намуда, гуфт: «Мардуми шарафманди Тоҷикистон имрӯз 24-умин солгарди таъсиси Қувваҳои Мусаллаҳи кишварро, ки дар ин давра ба як неруи тавоно ва ниҳоди пурқудрат табдил ёфтааст, ҷашн мегиранд. Маҳз бо дастгирӣ ва ғамхории Пешвои миллат Қувваҳои мусаллаҳ имрӯз ба як неруи тавоно ва замонавӣ табдил дода шуданд, ки соҳиби техникаи ҳарбии пурқудрат ва мутахассисони баландпояи ҳарбӣ мебошанд».
Ба гуфтаи Раҳимзода, боиси ифтихору сарфарозист, ки имрӯз мо дар фазои дӯстиву рафоқат ва суботу оромӣ ҳаёт ба сар бурда, пешрафту комёбӣ ва дастовардҳои арзандаи давлату миллатро дар сиёсату иқтисодиёт, фарҳангу маданият ва илму маориф бо ин санаҳои хотирмон ҷашн мегирем.
Дар ҷараёни ҷамъомад бо Фармони Вазири корҳои дохилии Ҷумҳурии Тоҷикистон барои зоҳир намудани малакаю маҳорати баланди касбӣ ва бахшида ба 24-умин солгарди таъсиси Қувваҳои мусаллаҳи кишвар як гурӯҳ сарбозону афсарон бо рутбаҳои навбатӣ, медалу нишонҳои сарисинагӣ ва Ифтихорномаю Раҳматнома қадрдонӣ карда шуданд.
Оид ба таъмини рушди устувори соҳаи кишоварзӣ дар шароити тағйирёбии иқлим машғулияти омӯзишӣ доир шуд
Имрӯз дар баъзе ноҳияҳои Тоҷикистон туман мефарояд
РУШДИ ҲУНАРҲОИ МАРДУМӢ. Дар Бадахшон беш аз 300 нафар ҳунарманд фаъолият мекунад
Дар Искандаркӯл ба бунёди меҳмонхона ва иншооти муосири сайёҳӣ санги асос гузошта шуд
Азхуд намудани донишҳои замонавӣ беҳтарин роҳ бар зидди ҷаҳолату хурофот аст. Мулоҳизаҳо дар ҳошияи Паёми Президенти Тоҷикистон
Имрӯз дар ноҳияҳои алоҳидаи кӯҳии Тоҷикистон барф меборад
Донишгоҳи давлатии Кӯлоб ба хазинаи Китобхонаи оммавии вилояти Хатлон 400 нусха китоб тақдим намуд
Намояндагони воситаҳои ахбори омма бояд дар муаррифии дастовардҳои Тоҷикистон нақши муассир дошта бошанд
ҶОЙГОҲИ ТОҶИКИСТОН ДАР САҲНАИ БАЙНАЛМИЛАЛӢ. Мулоҳизаҳо дар ҳошияи Паёми Президенти Тоҷикистон
Имрӯз дар Тоҷикистон бориши барф дар назар аст
Маҷмааи эҳёи хотираи таърихӣ ва таҳкими ҳувияти миллӣ дар Душанбе метавонад чун маркази омӯзишӣ барои ҷавонон хизмат намояд
Имрӯз дар ноҳияҳои кӯҳӣ ва доманакӯҳии Тоҷикистон бориши борон ва барф дар назар аст
