Шоҳроҳҳои Душанбе — Хуҷанд, Душанбе — Хоруғ ва Душанбе — Лахш кушода шуданд

Февраль 25, 2017 11:30

ДУШАНБЕ, 25.02.2017. /АМИТ «Ховар» /. Рӯзҳои охир дар натиҷаи бориши барфи зиёд шоҳроҳҳои Душанбе — Хуҷанд, Душанбе — Хоруғ ва Душанбе — Лахш баста гардиданд.
Тавре Умеда Юсупова, сардори Маркази матбуоти Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон иброз намуд, дар шоҳроҳҳои мазкур на танҳо хатари фуромадани тарма, балки резиши санг низ ҳаракати мошинҳоро дар баъзе роҳҳои кишвар қатъ гардонида буд.
«Шабонарӯзи гузашта дар натиҷаи саъю кӯшиши Хадамоти роҳҳои Вазорати нақлиёт ва ширкати роҳҳии IRS шоҳроҳҳои Душанбе — Хуҷанд ва Душанбе — Хоруғ ҳоло кушода буда, ҳаракат аз ду тараф ба роҳ монда шудааст»,- гуфт сардори Маркази матбуоти Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон.
Ҳамчунин Нилуфар Асламшоева, сухангӯи Раиси ВМКБ иброз дошт, ки айни замон шоҳроҳи ВМКБ дар ҳолати хуб қарор дошта, роҳи асосӣ ба самти шаҳри Душанбе кушода аст.
Ба иттилои манбаъ, шоҳроҳи Ишкошим танҳо барои мошинҳои мусофиркаш кушода буда, дар самти Мурғоб корҳо идома доранд.
«Ба хотири ҳарчи зудтар кушода шудани роҳҳо тавассути чархболи Вазорати мудофиа, ки дар шаҳри Хоруғ навбатдор аст, барои техникаҳои роҳнигоҳдорӣ сӯзишворӣ интиқол дода шудааст. Бо супориши Раиси вилояти Бадахшон гуруҳи корӣ ташкил шуда, барои васеъкунии роҳ ба самти шаҳри Душанбе ва таъмин намудани ҳаракати мошинҳои калонҳаҷми боркаш корҳо идома доранд»,- гуфт Нилуфар Асламшоева.

Февраль 25, 2017 11:30

Хабарҳои дигари ин бахш

Ҳамкории Кумитаи таҳсилоти ибтидоӣ ва миёнаи касбии Тоҷикистон бо муассисаҳои таҳсилоти касбии Шоҳигарии Арабистони Саудӣ баррасӣ шуд
Ҳамкории Тоҷикистон ва Иёлоти Муттаҳидаи Амрико дар соҳаи тандурустӣ баррасӣ шуд
Намояндагони ноҳияи Исмоили Сомонӣ ва як гурӯҳ модарон ба дидорбинии сарбозон рафтанд
«САҲМИ ЗАНОН ДАР РУШДИ ИЛМИ МУОСИР». Дар Душанбе конференсияи даҳуми илмӣ-ҷумҳуриявӣ доир шуд
60 ГРАНТИ ПРЕЗИДЕНТИ ТОҶИКИСТОН. Ҳунармандон метавонанд соҳиби ин грантҳо шаванд
Дар ноҳияи Синои шаҳри Душанбе озмуни шаҳрии «Кадбонуи беҳтарин» баргузор шуд
Наҷотдиҳандагони Кумитаи ҳолатҳои фавқулода ва мудофиаи граждании Тоҷикистон се нафарро аз зери тарма бароварданд
ДАСТГИРИИ ГУРӮҲҲОИ ОСЕБПАЗИРИ АҲОЛӢ. Соли 2023 корманди шуъбаҳои хизматрасонии иҷтимоӣ дар хона ба 5619 нафар ниёзманд хизмат расониданд
Соли 2023 дар вилояти Хатлон 71 ҳазору 512 ҷойи нави кор таъсис ёфт
БАРНОМАИ МОБИЛИИ «SOS». Онро Кумитаи ҳолатҳои фавқулода ва мудофиаи гражданӣ дар вазъияти фавқулода истифода менамояд
«ҶАВОНОН — ПАЙРАВИ ПЕШВОИ МИЛЛАТ». Донишҷӯёни фаъоли муассисаҳои олии мамлакат малакаи роҳбарӣ ва муошират меомӯзанд
ҲАР СОЛ ТАЪСИСИ ЗИЁДА АЗ 100 ҲАЗОР ҶОЙҲОИ КОРИИ НАВ. Соли гузашта 230 ҳазору 747 ҷойи нави корӣ, иловагӣ ва барқароршуда ба ҳисоб гирифта шудааст