«Терек»-и Рашид Раҳимов ном иваз мекунад

ДУШАНБЕ, 09.02.2017/АМИТ «Ховар»/. Клуби футболи «Терек»-и Грозний, ки ба он дастпарвари футболи Тоҷикистон Рашид Раҳимов машқ медиҳад, ба наздикӣ номи худро ба КФ «Ахмат» иваз хоҳад кард. Дар ин бора сайти ҷумҳурии Чеченистон дар истинод ба қавли президенти он Рамзан Қодиров хабар медиҳад.
«Ба иваз кардани номи даста Шӯрои директорон ҳуқуқ дорад. Ман дар ин бора ҷавобе нагуфтаам. Аз рӯи ақидаи муаллифон дар кишвари мо клубҳои зиёде бо номи «Ахмат» амал мекунад ва дар ҷаҳон шӯҳрат ёфтаанд»,-гуфтааст Рамзан Қодиров.
Ҳамчунин гуфта мешавад, ки мухлисони даста аз он сабаб ташаббус нишон медиҳанд, ки маҳз таъсиси дастаи «Терек» ба давраи президентии Аҳмат-Ҳоҷӣ Қодиров рост омадааст.
Клуби футболи «Терек» соли 1958 ин номро ба худ ихтисос додааст. Аз ин пештар даста бо номи «Динамо» (1946-1948) ва «Нефтянник» (1948-1958) ёд мешуд.
Баъди даври 17-уми Премйер- Лигаи Россия «Терек» бо 28 имтиёз дар зинаи 4-ум қарор дорад.