«Тоқии гулдўзӣ-зеби сарам!» — озмун дар ноҳияи Рашт

РАШТ, 28.02.2017. /АМИТ «Ховар»/. Шуъбаи кор бо занон ва оилаи назди мақомоти иҷроияи ҳокимияти давлатии ноҳияи Рашт дар асоси супоришҳои Ҳукумати Ҷумҳурии Тоҷикистон оид ба тарғиби фарҳанги миллӣ миёни ҷомеа даври аввали озмунҳои «Либоси миллӣ-ифтихорам», «Тоқии гулдўзӣ-зеби сарам!» ва «Кадбонуи беҳтарин»-ро баргузор намуд. Дар ин бора аз шуъбаи кор бо занон ва оилаи ноҳияи Рашт ба хабарнигори АМИТ «Ховар» иттилоъ доданд.
Ба иттилои манбаъ, озмунҳои мазкур бо мақсади пешгирии парастиши фарҳанги бегона ва тарғиби либоси миллӣ, рушду ҳунари кадбонугӣ ва эҳёи баъзе таомҳои миллии аз байнрафта роҳандозӣ шудааст.
Даври ниҳоии озмунҳои мазкур дар дар арафаи таҷлили Рўзи Модар ва ҷашни байналмилалии Наврўз дар толори Қасри фарҳанги ноҳия доир гардида, ғолибон бо туҳфаҳои хотиравӣ қадрдонӣ мешаванд.