Вазъи ҷаҳони имрӯз бе ҷавонон тасаввурнопазир аст
ДУШАНБЕ, 17.02.2017. /АМИТ «Ховар»/. Имрӯз бо ташаббуси Маркази иттилооти ҳуқуқӣ ва Ташкилоти ибтидоии «Китобдор»-и Ҳизби Халқии Демократии Тоҷикистон дар шуъбаи Маркази иттилооти ҳуқуқии Китобхонаи миллии Тоҷикистон дар мавзӯи «Вазъи ҷаҳони имрӯз ва ҷавонон» ҳамоиш доир гардид.
Дар ҳамоиш директори Китобхонаи миллии Тоҷикистон профессор Сайфиддин Назарзода зикр намуд, ки яке аз масъалаҳое, ки дар Паёми навбатии Президенти мамлакат муҳтарам Эмомалӣ Раҳмон зикр гардид, ин Соли ҷавонон эълон гардидани соли 2017 мебошад. Ба гуфтаи Назарзода, ҷавононро мебояд, ки зиракии сиёсиро аз даст надода, барои рушди кишвари хеш пайваста талош намоянд.
«Вазъи ҷаҳони имрӯз бе ҷавонон тасаввурнопазир аст. Ҷавонон ояндаи миллату давлатанд, ҳар коре ки мову шумо мекунем, ҳар чизе ки мо дар Тоҷикистон бунёд мекунем, онҳоро ҳатман барои меросбарӣ ба ҷавонон мегузорем. Президенти Тоҷикистон ва Ҳукумати Ҷумҳурии Тоҷикистон ба масъалаи сиёсати ҷавонон аҳамияти бузург медиҳанд ва ин амал албатта, самараҳои нек ҳам ба бор оварда истодааст»,- афзуд ӯ.
Дар ҳамоиш муовини Директори Маркази исломшиносии назди Президенти Ҷумҳурии Тоҷикистон Рустам Азизӣ дар мавзӯи «Таблиғоти ифротгароӣ дар байни ҷавонон дар фазои иттилоотӣ» ва корманди Маркази тадқиқоти стратегии назди Президени Ҷумҳурии Тоҷикистон Зубайдулло Давлатов дар мавзӯи «Дарки хатари воқеии ҳаракатҳои иртиҷоӣ барои ҷавонон» маърӯза карданд.
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
ҶАМЪБАСТИ НИШАСТҲОИ МАТБУОТӢ. 14 август дар Филиали Донишкадаи энергетикаи Москва дар шаҳри Душанбе нишасти матбуотӣ доир мегардад
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
Имрӯз дар шаҳри Душанбе ҳаво то 40 дараҷа гарм мешавад
