Вохӯрии аъзои лоиҳаи «Рушд ва такмили мудирияти донишгоҳ оид ба масоили байналмилалӣ»
ДУШАНБЕ, 04.02.2017. /АМИТ «Ховар»/. Дар Донишгоҳи давлатии шаҳри Хуҷанд ба номи академик Бобоҷон Ғафуров бо мақсади таҳлил ва баҳо додан ба фаъолияти соли сеюми лоиҳаи «Рушд ва такмили мудирияти донишгоҳ оид ба масоили байналмилалӣ» дар доираи Барномаи Иттиҳоди Аврупо семинари аъзои лоиҳа баргузор гардид.
Тавре ки аз Донишкадаи соҳибкорӣ ва хизмати Вазорати саноат ва технологияҳои нав хабар доданд, дар кори семинар намояндагони Донишкадаи соҳибкорӣ ва хизмат, Донишгоҳи давлатии иқтисодии Озарбойҷон, Донишгоҳи миллии иқтисодии шаҳри Киев ва Донишгоҳи иқтисодии шаҳри Бишкеки Ҷумҳурии Қирғизистон иштирок намуданд.
Сармутахассиси шуъбаи илм ва робитаҳои хориҷии Донишкадаи соҳибкорӣ ва хизмат, дотсент Нормат Ҳайбатов оид ба кор дар доираи лоиҳаи «Рушд ва такмили мудирияти донишгоҳ оид ба масоили байналмилалӣ», сафарҳои хориҷии кормандони робитаҳои хориҷии донишгоҳ, ҳуҷҷатҳои стратегии таҳиягардида ва таҷрибаи аз боздидҳо андӯхта маълумот дод.
Сармутахассиси шуъбаи робитаҳои хориҷии Донишгоҳи давлатии шаҳри Хуҷанд ба номи академик Бобоҷон Ғафуров Ҷамшед Истамқулов оид ба корҳои дар доираи лоиҳа иҷрошуда ва татбиқи баъзе аз таҷрибаҳои донишгоҳҳои маъруфи Аврупо барои рушди минбаъдаи робитаҳои хориҷии донишгоҳу донишкадаҳои Ҷумҳурии Тоҷикистон ва пайдо намудани имконоти бештари ҷалби устодону донишҷӯёни хориҷӣ ба раванди таълиму тарбия ва пешбурди корҳои илмӣ маъруза кард. Намояндагони донишкадаҳои шаҳри Хуҷанд доир ба паҳлӯҳи мухталифи робитаҳои хориҷии донишкадаву донишгоҳҳои Тоҷикистон, барномаҳои муштараки таълимӣ, ба роҳ мондани табодули устодону донишҷӯён, таҳсилоти фосилавӣ ва ғайра ибрози назар карданд.
Ҳамчунин намояндагони донишгоҳҳои Озарбойҷон, профессор Шоҳин Байрамов ва Гулшан Валиева, Украина Евгения Коломилетс-Людвиг ва Қирғизистон Алмаз Қодиралиев доир ба муваффақияту комёбиҳои оид ба лоиҳа тӯли се сол амалинамудаашон маърӯзаҳои ҷолиб намуданд.
Ҳамоҳангсози аврупоии лоиҳа, профессор Шоҳин Байрамов роҳи тайкардаи гурӯҳи ташаббускори лоиҳаро тӯли се сол таҳлил намуда, ба он баҳои баланд дод. Ӯ таъкид дошт, ки тӯли як моҳи боқимонда тамоми корҳо дар доираи лоиҳа бо сатҳу сифати баланд анҷом дода шуда, ҳисоботи ҷамъбастӣ сари вақт ба Комиссияи Иттиҳоди Аврупо бояд ирсол карда шавад, то ин лоиҳаи хеле муҳим барои рушди устувори робитаҳои ояндаи мо бо донишгоҳу донишкадаҳои Аврупо ва ҷаҳон ба ҳайси равзанаи муваффақ хизмат намояд.
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
Пагоҳ дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
ҲИСОББАРОБАРКУНИИ ҒАЙРИНАҚДӢ. 64 фоизи аҳолии калонсоли ноҳияи Шаҳринав дорандаи корти бонкӣ мебошанд
«Бисоз Life»: 2,5 маротиба бештар суҳбат намоед!
Имрӯз дар Тоҷикистон борон ва барф дар назар аст
Вобаста ба таҳким бахшидани ҳамкории милитсия бо ҷомеа дар ноҳияи Ёвон ҳамоиши маърифатӣ-ҳуқуқӣ доир гардид
Агентии амнияти химиявӣ, биологӣ, радиатсионӣ ва ядроӣ ҳамкориро бо Маркази ҷумҳуриявии илмии саратоншиносӣ тақвият мебахшад
