«Барселона» дар мусобиқоти Ла-Лига аз «Реал» пеш гузашт

ДУШАНБЕ, 02.03.2017/АМИТ «Ховар»/. Баъди даври 25-уми мусобиқоти Ла-Лигаи Испания «Барселона» аз «Реал» пеш гузашта, ба зинаи аввал баромад. Ин дар ҳоле рух дод, ки дастаи «Реал»-и Мадрид дар варзишгоҳи «Сантяго Бернабеу» дастаи «Лас-Палмас»-ро мағлуб карда натавонист ва вохӯрӣ бо ҳисоби мусовии 3:3 ба анҷом расид.
«Барселона» имконияти хуби аз «Реал» пеш гузаштанро истифода бурда, бар «Спортинг»-и Хихон дар варзишгоҳи «Камп Ноу» бо натиҷаи калони 6:1 ғалаба кард. Ин пирӯзӣ ба «Барселона» имкон дод, ки бо фарқи 1 имтиёз аз клуби футболи шоҳона пеш гузарад, аммо «Реал» нисбат ба «Барселона» як бозӣ кам гузаронидааст.
Чемпионати Испания. Даври 25-ум:
«Реал» — «Лас-Палмас« — 3:3 (1:1)
Голҳо: Иско, 8 (1:0). Тана, 10 (1:1). Вийера, 56 — пен (1:2). Боатенг, 59 (1:3). Криштиану Роналду, 86 — пен (2:3). Криштиану Роналду, 89 (3:3).
«Барселона» — «Спортинг» — 6:1 (3:1)
Голҳо: Месси, 9 (1:0). Родригес, 11 — автогол (2:0). Кастро, 21 (2:1). Л.Суарес, 27 (3:1). Пако Алкасер, 49 (4:1). Неймар, 65 (5:1). Ракитич, 87 (6:1).
Ҷадвали мусобиқот баъди даври 25-ум: