Кишварҳои СҲШ ҳамкории сарҳадиро тақвият мебахшанд
ДУШАНБЕ, 15.03.2017/ АМИТ «Ховар»/. Кишварҳои аъзои Созмони Ҳамкории Шанхай/СҲШ/ ҳамкориро дар бахши ҳифз ва таҳкими сарҳад тақвият мебахшанд. Дар ин росто 15 март вакилони палатаи поёнии Парлумони Тоҷикистон Созишнома дар бораи ҳамкории давлатҳои Созмони ҳамкории Шанхай оид ба масъалаҳои сарҳадиро тасдиқ намуданд.
Раҷабалӣ Раҳмоналӣ, муовини аввали раиси Кумитаи давлатии амнияти миллии Ҷумҳурии Тоҷикистон /КДАМ/, сардори Сарраёсати Қӯшунҳои сарҳадии КДАМ ин санадро дар Парлумони кишвар шарҳ дода, гуфт, ки ҳадафи Созишнома таҳкими ҳамкорӣ дар соҳаи ҳифзи сарҳади давлатӣ, таъмини бехатарӣ дар ҳудуди наздисарҳадӣ, инчунин ошкор намудан ва бастани роҳҳои ба ҳудуди кишварҳои аъзои СҲШ, аз ҷумла Ҷумҳурии Тоҷикистон ворид шудани шахсоне, ки ба фаъолияти террористӣ, ҷудоихоҳӣ ва экстремистӣ даст доранд, мебошад.
Таъкид гардид, ки солҳои охир дар натиҷаи ба роҳ мондани робитаи самаранок ва мутақобилан судманд миёни кишварҳои аъзои СҲШ баҳри таъмини амнияти сарҳади давлатии Тоҷикистон корҳои назаррас анҷом дода шудаанд.
Зикр шуд, ки вазъияти мураккаби сиёсию амниятӣ дар шароити муосир, пурзӯр гардидани фаъолияти созмонҳои террористӣ, истифодаи технологияҳои иттилоотӣ ҳамчун воситаи муваффақ гардидан ба амалҳои ҷиноӣ зарурати муборизаи дастаҷамъонаро ба ин падидаи манфӣ ба миён овардааст.
Бояд тазаккур дод, ки Созишнома дар бораи ҳамкории давлатҳои Созмони ҳамкории Шанхай оид ба масъалаҳои сарҳадӣ ду сол муқаддам- 10 июли соли 2015 дар шаҳри Уфа ба имзо расида буд.
Ҷаласаи корӣ бо иштироки роҳбарони мақомоти марказии иҷроияи ҳокимияти давлатии Ҷумҳурии Тоҷикистон доир гардид
ПЕШГИРИИ СӮХТОР. Қоидаҳо бар зидди сӯхторро қатъиян бояд риоя намуд
Милитсияи пойтахт аз шаҳрвандон талаб намуд, ки аз фурӯшу паҳнсозӣ ва истифодаи маводи тарфгарӣ худдорӣ кунанд
Ба муносибати таъсиси Воҳидҳои таъйиноти махсуси милитсия дар вилоятҳои Суғд, Хатлон ва Бадахшон ҷамъомади тантанавӣ доир шуд
РӮЗИ ТАЪСИСИ ВОҲИДҲОИ ТАЪЙИНОТИ МАХСУСИ МИЛИТСИЯ. Кормандони ин ниҳод вазифаҳои душвору масъулиятнок бар зимма доранд
Дар Минск вохӯрии вазирони корҳои дохилии Тоҷикистон ва Беларус баргузор гардид
Изҳороти Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон
«МУҚОВИМАТ БО КОРРУПСИЯ ДАР СОҲАИ ТИҶОРАТ». Дар Душанбе таҳти ин унвон форуми байналмилалӣ баргузор мешавад
Дар Душанбе оид ба усулҳои нави ҷамъоварии маълумот дар самти муқовимат ба савдои одамон ҷаласа доир шуд
Нақшаи даъвати тирамоҳии шаҳрвандони Тоҷикистон ба сафи Артиши миллӣ пурра иҷро гардид
Ҳайати Тоҷикистон дар конференсияи 26-уми байналмилалии раисони судҳои олии кишварҳои ҷаҳон иштирок намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 900 ҳодисаи сӯхтор ба қайд гирифта шудааст
