Лигаи футболи Тоҷикистон тарҳи бозиҳои Лигаи якумро баррасӣ кард

Март 20, 2017 16:20

ДУШАНБЕ, 20.03.2017/АМИТ «Ховар»/. Лигаи футболи Тоҷикистон бо баргузор кардани як ҷаласа бо намояндагони дастаҳои Лигаи якум дар қароргоҳи ФФТ тарҳи бозиҳои Лигаи якумро баррасӣ кард.
Тавре сомонаи ФФТ хабар медиҳад, бозиҳо дар Лигаи якум миёнаҳои моҳи апрел оғоз меёбанд ва қуръакашии тақвими мусобиқа 3 апрел баргузор хоҳад шуд. Гуфта мешавад, ки мусобиқа аз рӯи усули «ҳар кӣ бо ҳар кӣ» сурат гирифта, дар ду марҳала гузаронида мешавад ва он аз рӯи низоми Бергер тартиб хоҳад ёфт.
Аз рӯи низомнома ғолиби Лигаи якум ба Лигаи олии чемпионати мамлакат роҳхат мегирад. Соҳиби мақоми дуюм бо соҳиби ҷои ҳафтуми Лигаи олӣ дар бозии гузариш бо ҳам рақобат мекунанд.
Дастаи «Эсхата»-и Хуҷанд баъди ғалаба дар Лигаи дуюми минтақаи Суғд ба Лигаи якум роҳхат гирифт. Ду дастаи нав -«Сомон»-и Данғара ва «ФК-83»-и Душанбе ҳам дар Лигаи якум ҳунарнамоӣ хоҳанд кард. Ба ғайр аз ин дастаҳои «Равшан»-и Кӯлоб ва «Парвоз»-и ноҳияи Бобоҷон Ғафуров, ки аз литсензиякунонии Лигаи олӣ нагузаштанд, дар Лигаи якум ширкат меварзанд.
Лигаи футболи Тоҷикистон аз 27 март то 1 апрел литсензиякунонии варзишгоҳҳои дастаҳои Лигаи якумро ба роҳ мемонад.
Аз рӯи ҷадвал, 27 март ФФТ ва Лигаи футболи Тоҷикистон варзишгоҳҳои «Равшан»-и Кӯлоб ва «Сомон»и Данғара, 28 март «Зарафшон» (Панҷакент), «Эсхата» (Хуҷанд), «Исфара» (Исфара), «Парвоз» (Бобоҷон Ғафуров), 1 апрел «Кӯктош» (Рӯдакӣ), «Ваҳдат» (Ваҳдат), «Локомотив-Помир» (Душанбе) ва «ФК-83» (Душанбе)-ро аз назар мегузаронанд.

Март 20, 2017 16:20

Хабарҳои дигари ин бахш

Дастаи мунтахаби футзали Тоҷикистон дар бозии дӯстона боз бар тими Амороти Муттаҳидаи Араб ғалаба кард
ФУТБОЛ. Фонди ҷоизавии мусобиқаи «Ҷоми Ҷавонӣ-2025» 60 ҳазор сомониро ташкил медиҳад
Бозии дӯстона байни дастаҳои мунтахаби олимпии Тоҷикистон ва Қирғизистон мусовӣ анҷом ёфт
ФУТБОЛ. Истиқлол» бар «Регар-ТадАЗ» ва «Вахш» бар «Хуҷанд» ғалаба намуд
ФУТЗАЛ. Дастаи мунтахаби Тоҷикистон дар бозии дӯстона бо тими мунтахаби Амороти Муттаҳидаи Араб ғолиб омад
«Регар ТадАЗ» дар мусобиқа оид ба волейбол дар ноҳияи Восеъ сазовори Шоҳҷоиза гардид
Дар Ҳисор бозии дӯстонаи дастаи олимпии Тоҷикистон (U-23) бо мунтахаби олимпии Қирғизистон доир мешавад
Федератсияи футболи Тоҷикистон соҳиби ҶОИЗАИ БИРИНҶИИ «FIFA FORWARD AWARDS» гардид
Дастаи мунтахаби футзали Тоҷикистон бо тими Амороти Муттаҳидаи Араб бозиҳои дӯстона анҷом медиҳад
Дар Душанбе бахшида ба Рӯзи байналмилалии Йога ҳамоиши варзишӣ доир гардид
Дастаи мунтахаби Тоҷикистон аз Чемпионати ҷаҳон оид ба ҷудо-2025 бо се медали таърихӣ баргашт
ЧЕМПИОНАТИ ҶАҲОН ОИД БА ҶУДО–2025. Темур Раҳимов медали сеюмро барои дастаи мунтахаби Тоҷикистон ба даст овард