Россия дар Тоҷикистон 20 мактаб месозад
ДУШАНБЕ, 01.03.2017 /АМИТ «Ховар»/. Россия дар Тоҷикистон 20 мактаб бунёд мекунад, ки таълимашон бо забони русӣ роҳандозӣ хоҳад шуд. Дар ин бора пас аз анҷоми музокироти сарони ҳарду давлат муовини аввали Сарвазири Русия Игор Шувалов ба хабарнигорон иттилоъ дод.
«Мо лоиҳаҳои марбут ба бунёди мактабҳоро муҳокима намудем, ки таълимашон ба забони русӣ роҳандозӣ мешавад. Президент ба ҳукумат супориш дод, ки масъаларо омӯхта, аз ҷумла хароҷоти тахминии онро ба буҷети соли оянда дохил намояд, то сохтмони чунин мактабҳоро дар Тоҷикистон оғоз намояд», — гуфт Шувалов.
«Дар ҳоли ҳозир чунин аст: ин бояд сармояи давлати Россия бошад, соҳибияташ ба Тоҷикистон вогузор шавад. Вале, инфрасохтор аз ҳисоби сармояҳои буҷетии Федератсияи Россия сохта мешавад», — зикр намуд ӯ.
Ба гуфтаи ӯ, ҳаҷми сармоя ҳоло муайян нашудааст ва дар нақша аст, ки 20 мактаб сохта шавад.
Қаблан Президенти Россия Владимир Путин омодагӣ барои баррасии пешниҳоди Сарвари давлати Тоҷикистон Эмомалӣ Раҳмон ҷиҳати густариши ҳамкории ду кишвар дар соҳаи маорифро таъкид намуд. Ӯ иброз дошт, ки дар макотиби олии Россия 21 ҳазор донишҷӯ таҳсил менамоянд, ки таҳсили 10 ҳазори онҳо буҷавӣ аст.
Имрӯз дар баъзе ноҳияҳои алоҳидаи Тоҷикистон туман мефарояд
Имрӯз дар Агентии омор, Бонки миллӣ, Палатаи ҳисоб ва Хадамоти гумрук нишасти матбуотӣ баргузор мегардад
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
Ширкати «Париматч Тоҷикистон» бо «Лигаи футболи Тоҷикистон» шартномаи ҳамкориро идома дод
Дар Маҷмааи сайёҳии «Сафеддара» Форуми блогерон баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
