Ғалабаи «Истиқлол» бар «Панҷшер» пеш аз бозии Ҷоми КФО бо «Олой»
ДУШАНБЕ, 15.04.2017/АМИТ «Ховар»/. Дар бозии даври шашуми Чемпионати Тоҷикистон байни дастаҳои лигаи олӣ дар Варзишгоҳи марказии шаҳри Душанбе дастаи «Истиқлол» бар «Панҷшер» -и ноҳияи Ҷалолиддини Балхӣ шоми дирӯз бо ҳисоби 2:1 ғолиб омад. Ин бозӣ як навъ санҷише буд пеш аз вохӯрии даври сеюми Ҷоми Конфедератсияи футболи Осиё (КФО) бо дастаи «Олой»-и Қирғизистон, ки 18 март дар Варзишгоҳи марказии шаҳри Душанбе баргузор мегардад.
Дар ин дидор Манучеҳр Ҷалилов ва Дмитрий Барков аз дастаи «Истиқлол» ва Беҳрӯз Ниёзов аз «Панҷшер» голҳоро ба нишон расониданд.
Сармураббии дастаи «Истиқлол» Мӯҳсин Муҳаммадиев дар вохӯрӣ бо дебютанти Чемпионати имсола-«Панҷшер» ҳайати озмоиширо ба бозӣ гузошта, пеш аз рақобати даври сеюми Ҷоми КФО бо чемпиони Қирғизистон -«Олой» ба баъзе бозингарон истироҳат дод. Аз ин рӯ дар муқобили «Панҷшер» бозии истиқлолиҳо он қадар тезутунд набуд ва танҳо голҳои Манучеҳр Ҷалилов, аз пеналтӣ дар дақиқаи 20-ум ва Дмитрий Барков дар дақиқаи 66-ум ғалабаро ба дастаи «Истиқлол» насиб гардониданд.
Дар ин давр имрӯз «Регар — ТадАЗ» бо КМВА «Помир» ва 16 апрел «Барқчӣ» бо «Хуҷанд» ва «Ҳосилот» бо «Вахш» қувва меозмоянд.
Чемпионати Тоҷикистон. Лигаи олӣ. Даври 6
«Истиқлол» «Панҷшер» 2:1
Голҳо: Манучеҳр Ҷалилов, 20 аз пеналтӣ (1:0). Беҳрӯз Ниёзов, 58 (1:1). Дмитрий Барков, 66 (2:1).
«Истиқлол» (Душанбе): Қурбоналӣ Бобоев, Дэвид Мавутор, Табрези Давлатмир, Амирбек Ҷӯрабоев, Фаридун Шарифов (Нуриддин Давронов, 46), Эҳсони Панҷшанбе, Дилшод Восиев, Фатҳулло Фатҳуллоев (Ҷаҳонгир Алиев, 46), Ромиш Ҷалилов, Ҷаҳонгир Эргашев, Манучеҳр Ҷалилов (Дмитрий Барков, 46).
«Панҷшер» (Ҷалолиддин Балхӣ): Сафар Наботов, Равшан Азизов, Алишери Ҳотам, Руслан Тиллоев, Беҳрӯз Ниёзов, Шавкат Худойназаров, Абдухалил Боронов, Ҳасан Холов, Фаррух Фузайлов, Алишер Салимов (Сорбон Авғонов, 90+2), Фирдавс Зайнуллозода (Ҳусейн Умаров, 55).
Огоҳӣ: Қурбоналӣ Бобоев («Истиқлол»), Беҳрӯз Ниёзов, Равшан Азизов («Панҷшер»).
Бозингари беҳтарин: Ҷаҳонгир Алиев («Истиқлол»).
Довари майдон: Сайвалӣ Турдиев (Вахш).
Нозири доварон: Абдураҳим Бобоев (Турсунзода).
Комиссари бозӣ: Ҷовидон Ҳасанов (Душанбе).
14 апрел. Душанбе. Варзишгоҳи марказии шаҳри Душанбе. 500 тамошобин.








Дар Душанбе ҷаласаи Кумитаи футзали Федератсияи футболи Тоҷикистон баргузор шуд
Варзишгарони тоҷик аз мусобиқаҳои байналмилалӣ 958 медал ба даст оварданд
ЛИГАИ ЧЕМПИОНҲО-2-И ОСИЁ. Имрӯз дастаҳои футболи «Истиқлол» ва «Ал-Наср» бо ҳам бозӣ мекунанд
9 паҳлавони тоҷик дар Мусобиқаи байналмилалии Abu Dhabi Grand Slam -2025 иштирок мекунанд
Ҳайати дастаи футболи «Ал-Наср»-и Арабистони Саудӣ барои бозӣ бо «Истиқлол» ба Душанбе омад
ЧЕМПИОНАТИ CAFA-2025. Дастаи мунтахаби занонаи то 18-солаи Тоҷикистон бо дастаи занонаи Узбекистон бозиро мусовӣ кард
Дар даврони соҳибистиқлолии Тоҷикистон бо шарофати варзишгарон Парчами давлатӣ зиёда аз 7500 маротиба баланд бардошта шуд
«ВАРЗИШГАРОН — ПАРЧАМБАРДОРОНИ МИЛЛАТ». Дар Донишкадаи тарбияи ҷисмонии Тоҷикистон ҳамоиши тантанавӣ баргузор шуд
Варзишгарони тоҷик дар Бозиҳои 6-уми ҳамбастагии исломӣ-2025 соҳиби ҳашт медал шуданд
ҶОМИ ОСИЁ ОИД БА ҶУДО БАЙНИ НАВРАСОН ВА ҶАВОНОН-2025. Варзишгарони тоҷик дар рӯзи якум 3 медали тилло ба даст оварданд
«ҶАВОНОН ВА ВАРЗИШГАРОН -САДОҚАТ БА ПЕШВОИ МИЛЛАТ ВА ПАРЧАМИ ДАВЛАТӢ». Бо чунин унвон «Дав барои хушҳолӣ» баргузор гардид
Дар ноҳияи Ёвон варзишгарони ҷавон барои дастовардҳои назаррас қадрдонӣ шуданд






