Ҷаласаи 12-уми Гурўҳи кории муштараки Тоҷикистону Россия дар Душанбе
ДУШАНБЕ, 27.04.2017. /АМИТ «Ховар»/. Ҷаласаи 12-уми гурўҳи кории муштараки Тоҷикистону Россия оид ба амалигардонии Созишнома байни Ҳукумати Ҷумҳурии Тоҷикистон ва Ҳукумати Федератсияи Россия дар бораи фаъолияти меҳнатӣ ва ҳифзи ҳуқуқи шаҳрвандони Ҷумҳурии Тоҷикистон дар Федератсияи Россия ва шаҳрвандони Федератсияи Россия дар Ҷумҳурии Тоҷикистон 25 апрели соли 2017 дар шаҳри Душанбе баргузор гардид.
Ба кори ҷаласа Вазири меҳнат, муҳоҷират ва шуғли аҳолии Ҷумҳурии Тоҷикистон Сумангул Тағойзода ва Андрей Краюшкин, муовини аввали сардори Раёсати кулл оид ба масъалаҳои муҳоҷирати Федератсияи Россия роҳбарӣ намуданд.
Дар ҷаласа роҳбарони ҳарду ҷониби Гурўҳи кории муштарак зарурати корҳои идомадор дар самти таҳкими ҳамкорӣ дар соҳаи муҳоҷирати меҳнатӣ ва ҳимояи манфиатҳои муҳоҷирони меҳнатии қаламрави ин давлатҳоро таъкид намуданд.
Тарафҳо масъалаҳои марбут ба ҷараёни иҷрои қарорҳои ҷаласаи 11-уми Гурўҳи кории муштараки Тоҷикистону Россия, вазъият дар соҳаи муҳоҷирати меҳнатӣ ва инчунин раванди корҳо оид ба омодакунии 5 лоиҳаи созишномаҳо байни Ҳукумати Ҷумҳурии Тоҷикистон ва Ҳукумати Федератсияи Россия дар самти муҳоҷират, аз ҷумла, дар бораи реадмиссия ва Протоколи иҷроия оид ба тартиби татбиқшавии он, дар бораи ҳамкорӣ дар соҳаи таъмини иҷтимоӣ (суғуртаи иҷтимоӣ ва таъмини нафақаи шаҳрвандони тарафҳо), оид ба ҷалби муташаккилонаи шаҳрвандони Ҷумҳурии Тоҷикистон барои фаъолияти меҳнатии муваққатӣ дар қаламрави Федератсияи Россия, оид ба ҳамкорӣ дар соҳаи муҳоҷират (мубодилаи иттилоот) ва оид ба вазъи ҳуқуқии намояндагии Вазорати корҳои дохилии Федератсияи Россия дар Ҷумҳурии Тоҷикистон ва Намояндагии Вазорати меҳнат, муҳоҷират ва шуғли аҳолии Ҷумҳурии Тоҷикистон дар Федератсияи Россияро муҳокима намуданд.
Дар ҷаласа ҳамчунин масъалаи ҷараёни корҳоро доир ба баррасии муроҷиатҳои шаҳрвандони Ҷумҳурии Тоҷикистон дар масъалаи аз байн бурдани маҳдудиятҳо барои вуруд ба Федератсияи Россия, аз ҷумла нисбат ба онҳое, ки дар қаламрави Федератсияи Россия ҳуқуқвайронкуниҳои ҷузъии маъмурӣ содир кардаанд, муҳокима карданд.
Наваскарони қисмҳои ҳарбии Вазорати мудофиаи Тоҷикистон савганди садоқат ёд намуданд
Дар Муассисаи давлатии «Боғи Ирам» даври сеюми Фестивал-озмуни «Беҳтарин армуғон» баргузор мешавад
Дар Хатлон ба иштирокчии Ҷанги дуюми ҷаҳонӣ туҳфаҳои моддию молиявӣ тақдим карда шуд
Зулфиқор Гулаҳмадзода: «Ба тарбияи ватандӯстии шаҳрвандон бояд ба тарзи бефосила, бетанаффус ва доимӣ машғул шавем»
ҲИФЗИ ВАТАН ВА ҲИМОЯИ ҲАЁТИ ОСОИШТАИ МАРДУМ. Ин амал барои ҳар шаҳрванди огоҳу соҳибватан вазифаи муқаддас аст
Дар Душанбе чорабинии сиёсӣ – фарҳангӣ таҳти унвони «Фарзанди Тоҷикистонам!» доир карда шуд
ГУЛЕ, КИ ТАРБИЯТ АЗ ДАСТИ БОҒБОН НАГИРИФТ. Чаро баъзе аз падару модарон ба таълиму тарбияи фарзандон беаҳамиятӣ зоҳир мекунанд?
Президенти Тоҷикистон: «50 фоизи аҳолии қобили меҳнати Тоҷикистон ба Ҷанги дуюми ҷаҳон ҷалб шуда буд»
Дар Душанбе пайвастшавии 3300 иншоот ба шабакаҳои гармдиҳӣ ба нақша гирифта шудааст
Дар Хатлон бо иштироки 25 оилаи намунавӣ даври вилоятии озмуни «Оилаи беҳтарин» ҷамъбаст гардид
Эмомалӣ Раҳмон: «Дар Ҷанги дуюми ҷаҳонӣ 55 нафар афсарону сарбозони тоҷик ба унвони баланди «Қаҳрамони Иттиҳоди Шуравӣ» мушарраф гардиданд»
Туҳфаи Президенти Тоҷикистон ба ду иштирокчии Ҷанги дуюми ҷаҳонӣ дар Ҳисор расонида шуд
