Ҳамоиши шашуми иқтисодӣ-фарҳангии «Наврӯз» дар шаҳри Ҳамбурги Олмон доир гардид
ДУШАНБЕ, 06.04.2017 /АМИТ «Ховар»/. Дар шаҳри Ҳамбург ҳамоиши шашуми иқтисодӣ-фарҳангии «Наврӯз» бо ташаббуси Сафорати Тоҷикистон дар Олмон ва Консулгарии фахрии Тоҷикистон дар Ҳамбург баргузор гардид.
Тавре ки аз Сафорати Тоҷикистон дар Олмон ба АМИТ «Ховар» хабар доданд, ҳамоиши имсола ба 25-солагии барқарорсозии муносибатҳои дипломатии Тоҷикистону Олмон бахшида шуд. Дар ҳамоиш, ки анъанавӣ гардидааст, доираҳои сиёсӣ, иқтисодӣ, намояндагиҳои дипломатӣ, роҳбарони ширкатҳо ва корхонаҳо, инчунин доираҳои фарҳангӣ ва рӯзноманигорон иштирок намуданд. Ҳамоишро Сафири Тоҷикистон дар Олмон Маликшо Неъматов ҳусни оғоз бахшид.
Дар рафти кори ҳамоиш Консули фахрии Тоҷикистон дар Ҳамбург Куруши Пуркиён, роҳбари Раёсати Осиёи Марказии Кумитаи шарқии иқтисоди Олмон Эдуард Кинсбрунер, роҳбари намояндагии Бонки рушди Олмон дар Тоҷикистон Кристин Лаабс, намояндаи КВД «Тоҷинвест» Ҳанс Зиегерт ва роҳбари ширкати боркашонӣ Азгарил Мангал оид ба ҳамкорӣ ва имконоту захираҳои иқтисодии Тоҷикистон барои сармоягузорӣ сухан ронданд.
Дар доираи кори ҳамоиш Сафорати Тоҷикистон гӯшаи фарҳангӣ созмон дода, маводи зиёди ташвиқотӣ ва тарғиботӣ, инчунин сармоягузориро пешниҳоди иштирокчиён намуд.
Дар бахши фарҳангии Ҳамоиши иқтисодӣ-фарҳангии «Наврӯз» оҳангсоз ва сарояндаи шинохта Фахриддини Малик бо сурудҳояш хотири ҳозиринро шод намуд.
Имрӯз дар Тоҷикистон ҳаво то 25 дараҷа гарм мешавад
Гурӯҳи тарғиботӣ бо сокинони маҳаллаи Ҷавонони деҳоти Чилгазии Исфара вохӯрӣ намуд
Моҳи апрел дар Тоҷикистон Фестивали гулҳо — «Сайри гули лола» гузаронида мешавад
Имрӯз дар Тоҷикистон ҳавои тағйирёбанда пешгӯӣ мешавад
Аз мактабҳои автомобилии Ташкилоти ҷамъиятии мададгори мудофиаи шаҳрҳои Ваҳдату Турсунзода 493 нафар ба сафи Артиши миллӣ мераванд
Имрӯз дар водиҳои Тоҷикистон ҳаво то 25 дараҷа гарм мешавад
Обуҳавошиносон дар Шанхай шуруъ аз соли 1945 бори нахуст дар моҳи март гармии 30 дараҷаро сабт намуданд
Имрӯз дар Тоҷикистон ҳавои тағйирёбанда пешгӯӣ мешавад
Коршиносони СҲШ оид ба тағйирот дар қонунгузории миллӣ дар соҳаи мубориза бо маводи мухаддир табодули иттилоъ намуданд
«E-license». Иқдоми нав ба сӯи рақамикунонӣ дар Агентии амнияти химиявӣ, биологӣ, радиатсионӣ ва ядроии Тоҷикистон
Толорҳои алоқа – барои ҳама!
Вазири таҳсилоти олӣ, илм ва инноватсияҳои Узбекистон бо донишҷӯёни тоҷик мулоқот намуд
