Ҷавонон-посдори сулҳу ваҳдат!

ДУШАНБЕ, 19.04.2017 /АМИТ «Ховар»/. Дар ноҳияи Шаҳристон бахшида ба 20-солагии Рӯзи Ваҳдати миллӣ дар мавзӯи «Сулҳу ваҳдат ҷовидон бод!» ҷамъомад баргузор гардид. Дар он ҷавонон оид ба Ваҳдати миллӣ, ки дастоварди ниҳоят пурарзиши тоҷикон мебошад, сухан гуфтанд.
Дар ин бора аз Кумитаи иҷроияи Ҳизби Халқии Демократии Тоҷикистон дар вилояти Суғд хабар доданд.
«Ваҳдати миллӣ, пеш аз ҳама, ягонагии тамоми ниҳодҳоро таҷассум менамояд. Он арзиши воло маҳсуб ёфта, эҳтиром ва пос доштанаш аз ҳар як шаҳрванди худогоҳу худшинос масъулияти баландро тақозо менамояд. Пешрафту муваффақиятҳои ҳар оила, халқ ва ҳар миллату давлат ба муттаҳидӣ ва ягонагии он марбут аст. Маҳз кӯшишу заҳматҳои бевоситаи Пешвои миллат буд, ки халқи мо ба ин неъмати бебаҳо расид»,-зикр гардид дар ҷамъомади мазкур.
Ҷамъомади мазкур бо мақсади бедор намудани ҳаисси ватандӯстӣ ва пос доштани арзишҳои миллӣ баргузор гардид.