Барои ҳифзи Ватан, таҳкими истиқлолият ва амнияти миллӣ тайёрем!
ДУШАНБЕ, 04.04.2017. /АМИТ«Ховар»/. Даъвати навбатии шаҳрвандони солҳои таваллуди 1990-1999 Ҷумҳурии Тоҷикистон ба хизмати ҳарбӣ ва баргузории вохӯрию суҳбатҳо бо волидону наздикони ҷавонони ноҳияи Шоҳмансури шаҳри Душанбе баҳри таблиғи ақидаҳои созанда доир ба ҳифзи Истиқлолияти давлатии Ҷумҳурии Тоҷикистон ва муҳофизати Модар-Ватан ба таври мунтазам амалӣ мегардад.
Бо иштироки Низом Ҳакимзода, Раиси ноҳияи Шоҳмансур, Фарҳод Сатторзода, Комиссари ҳарбии ноҳияи мазкур Ҷовид Қурбонбеков, мудири шуъбаи кор бо ҷавонони Кумитаи иҷроияи ҲХДТ дар шаҳри Душанбе, Насим Ҳасанов, мудири бахши ҷавонони Мақомоти иҷроияи ҳокимияти давлатӣ дар ноҳияи Шоҳмансур, Раҷабалӣ Бобохонов, роҳбари Намоядагии ТҶҶ «Созандагони Ватан» дар ин ноҳия ва дигарон ҷавонони диловари ноҳияи Шоҳмансур, ки ихтиёран ба Комиссариати ҳарбӣ омада буданд, ба сафи Қувваҳои мусаллаҳи Ҷумҳурии Тоҷикистон гусел карда шуданд.
Ҷавонон садоқат бар Ватани азизро ифтихору виқори ҷавонмардӣ ном бурда, омодагии ҳамешагии худро дар дифои марзу буми аҷдодӣ иброз доштанд.
Маросим дар вазъияти тантанавӣ бо ҳаракатҳои часпони аскарони Полки комендантӣ, парафшонии парчамҳо, суруду мусиқиҳои тараннумгари зебоиҳои Ватан гузашта, суханони раҳнамои афсарони диловар ба ҷавонон қувваю неруи тоза бахшида, боиси сарфарозии ҳозирин гардид.
Олимони тоҷик ва хориҷӣ дар пиряхи Ванҷях корҳои таҳқиқотӣ мегузаронанд
Дар ноҳияи Лахш бо мақсади пешгирии истифодаи ғайриқонунии неруи барқ вохӯрӣ доир шуд
Кадом шабакаҳои иҷтимоӣ ва паёмрасонҳо дар Тоҷикистон маъруфанд
Имрӯз дар Тоҷикистон гармии ҳаво ба 40 дараҷа мерасад
Дар Душанбе марҳилаи дуюми Лоиҳаи «Тавонмандсозии марказҳои матбуотӣ ва ҳамкории онҳо бо ВАО» оғоз ёфт
Дар вилояти Хатлон гардиши савдои хориҷӣ ба 210,2 миллион доллар баробар гардид
Имрӯз дар Тоҷикистон ҳавои тағйирёбанда дар назар аст
Кӯдакону наврасони ноҳияи Шаҳринав ба истироҳат фаро гирифта мешаванд
Дар Хатлон ташаббуси вилоятии «Саҳми ман дар ободии Ватан» доир карда мешавад
Беш аз 5 ҳазор ҳолати вайронкунии қонунгузории замин дар маҳал бартараф карда шуд
Имрӯз ҳаво дар шаҳри Душанбе то 38 дараҷа гарм мешавад
Дар Бадахшон ҳаҷми маҷмӯи маҳсулоти минтақавӣ 873 миллион сомониро ташкил дод
