Дар ноҳияи Ш. Шоҳин марҳилаи дуюми корҳои сохтмонӣ оғоз гардид

Ш. ШОҲИН, 04.04.2017/АМИТ «Ховар»/. Дар бинои маъмурии Мақомоти иҷроияи ҳокимияти давлатии ноҳияи Шамсиддини Шоҳин аз ҷониби Дирексияи сохтмони иншооти ҳукуматии Дастгоҳи иҷроияи Президенти Ҷумҳурии Тоҷикистон марҳилаи дуюми корҳои сохтмонӣ оғоз гардид.
Тавре ба хабарнигори АМИТ «Ховар» саркори ҶДММ «Консол» Олимхуҷа Маҷидов изҳор дошт, то имрӯз ба маблағи 1 миллиону 500 ҳазор сомонӣ корҳои сохтмонӣ анҷом дода шудаанд.
Ба гуфтаи манбаъ, бинои мазкур аз 3 ошёна, 59 утоқи корӣ ва маҷлисгоҳ барои 48 ҷои нишаст иборат мебошад. Сифати корҳои сохтмонӣ ба талаботи стандартӣ ҷавобгӯ мебошанд. Дар айни ҳол дар корҳои сохтмонӣ 30 нафар сохтмончиён фаъолият дошта, дар ҳолати бештар шудани корҳои сохтмонӣ беш аз 20 нафар сохтмончӣ ба кор ҷалб карда мешаванд.