«KAZAX INVEST» дар Душанбе молҳои «Made in Kazakhstan» ро муаррифӣ мекунад

ДУШАНБЕ, 19.04.2017/АМИТ «Ховар»/. Роҳбарону намояндагони наздик ба чил ширкати истеҳсолию саноатии Қазоқистон дар ҳамоиши доираҳои тиҷоратии Тоҷикистону Қазоқистон, ки фардо, 20 апрел дар Душанбе доир мегардад, иштирок менамоянд.
Палатаи савдо ва саноати Ҷумҳурии Тоҷикистон ва Агентии миллӣ оид ба содирот ва сармоягузории Қазоқистон — «KAZAX INVEST» аз созмондиҳандагони ҳамоиши иқтисодӣ мебошанд.
Густариши равобити иқтисодию тиҷоратии байни Тоҷикистону Қазоқистон аз ҳадафҳои асосии ҳамоиши иқтисодӣ арзёбӣ мегардад.
Интизор меравад, ки дар доираи ҳамоиши иқтисодӣ намоиши молу маҳсулоти корхонаю ширкатҳои тавлидотии Қазоқистон ба роҳ монда шавад.