Корманди Коллеҷи тиббӣ бо гумони гирифтани пора ба даст афтод

ДУШАНБЕ, 19.04.2017. /АМИТ «Ховар»/. Зимни гузаронидани чорабиниҳои фаврӣ-ҷустуҷӯӣ кормандони милитсия марди 51-солаи сокини шаҳри Хуҷанд, корманди Коллеҷи тиббии шаҳри мазкурро бо гумони гирифтани пора дастгир намуданд.
Тавре аз Вазорати корҳои дохилии Ҷумҳурии Тоҷикистон хабар доданд, гумонбаршуда, 17 апрели соли 2017 аз зани 22-солаи сокини ноҳияи Ашт барои дохил намудани шиносаш ба коллеҷи мазкур ҳамчун пора 700 доллари амрикоӣ талаб намуда, тахминан соати 19:30-и ҳамин рӯз дар ҳудуди шаҳри Хуҷанд ҳангоми гирифтани маблағи мазкур дастгир ва далели шайъӣ аз ӯ гирифта шуд.
«Аз рӯи ин ҳодиса парвандаи ҷиноятӣ оғоз гардида, корҳои тафтишотӣ идома доранд»,-иттилоъ доданд аз Вазорат.