Тоҷикистон ба харитаи адабии ҷаҳон шомил шуд
ДУШАНБЕ, 05.04.2017. /АМИТ «Ховар»/. Нашрияи бритониёии «The Independent» харитаи адабии ҷаҳонро пешниҳод намуд, ки дар он 197 кишвари саросари дунё, аз ҷумла Тоҷикистон низ зикр гардидаанд. Дар ин харита ҳар кадоме аз кишварҳо бо асари бадеӣ муаррифӣ шудаанд, ки ба хонандагон ҷиҳати шиносоӣ бо зиндагиву фарҳанги ин давлат имкон медиҳад. Дар ин бора аз Вазорати фарҳанги Ҷумҳурии Тоҷикистон хабар доданд.
Тоҷикистон дар харита бо китоби Андрей Волос «Хуррамабад» (Хуррамобод), кишварҳои ҳамсояи Қирғизистону Қазоқистон бо асарҳои Чингиз Айтматов — «Джамиля» (Ҷамила) ва «Дольше века длится день» (Рӯзи дарозтар аз қарн) муаррифӣ шудаанд. Аз Федератсияи Россия Лев Толстой бо асари «Война и мир» (Ҷанг ва сулҳ) пешниҳод шудааст.
«Хуррамобад» романи нависандаи рус Андрей Волос мебошад, ки соли 1955 дар Душанбе ба дунё омадааст. Роман соли 2000 дар Москва нашр шуда, маҷаллаи «Новый мир» муаллифро ба дарёфти Ҷоизаи давлатии Россия пешниҳод намуд ва ин ҷоиза бо фармони Владимир Путин ба ӯ тақдим гардид.
Зимни эзоҳи роман муаллиф қайд мекунад, ки «Хуррамобад» шаҳри хушбахтӣ аз афсонаҳои форсӣ аст. Зери мафҳуми Хуррамобод шаҳри Душанбе дар назар буда, қаҳрамонони асар сокинони шаҳри Душанбе мебошанд.
Дар Осорхонаи миллии Тоҷикистон ба ифтихори 700-солагии Ҳофизи Шерозӣ маҳфили ҳофизхонӣ баргузор шуд
Дар Душанбе ҳамкории муассисаҳои илмии Тоҷикистон ва Шоҳигарии Арабистони Саудӣ баррасӣ гардид
Дар Осорхонаи миллии Тоҷикистон намоиши «Воқеънигор» ифтитоҳ гардид
Имсол 125-солагии шоири мумтоз ва Ҳофизи халқии Тоҷикистон Сайдалӣ Вализода таҷлил мегардад
Профессор Муҳаммад Абдураҳмон: «Сано бодо ба модари тоҷик — Ситорабону, ки Сино – нобиғаи асрҳоро ба мо ва аҳли башар тақдим намуд»
Дар Душанбе аввалин маротиба Ҷашнвораи филмҳои ҷопонӣ баргузор мегардад
«САД РАНГИ ЧАКАН». Ин фестивал бо мақсади муаррифии фарҳангу ҳунари бостонии халқи тоҷик баргузор мешавад
Намояндагони илму фарҳанги Тоҷикистон бо фаъолияти Донишгоҳи давлатии Самарқанд шинос шуданд
РУШДИ ЗАБОНИ МОДАРӢ ДАР ЗАМОНИ ИСТИҚЛОЛ. Таҳти ин унвон конференсияи илмию амалии ҷумҳуриявӣ баргузор гардид
Дар Душанбе Форуми зиёиёни эҷодкори давлатҳои ИДМ баргузор мегардад
Дар Донишгоҳи давлатии Самарқанд утоқҳо барои дарси забон ва адабиёти тоҷик кушода шуданд
ФАРҲАНГ- САРМОЯИ ҲАСТИИ МИЛЛАТ. Лабчанг сози мусиқие аст, ки навои дилнишини миллӣ дорад
