Варзишгарони Суғд дар мусобиқаҳои ватанию байналмилалӣ 570 медал ба даст оварданд

ДУШАНБЕ, 15.04.2017 /АМИТ «Ховар»/. Дар доираи Соли ҷавонон ва баҳри дар амал татбиқ намудани сиёсати давлатии ҷавонон дар семоҳаи аввали соли равон дар вилояти Суғд зиёда аз 273 вохӯрию суҳбат, машварату мусобиқаҳо баргузор гардида, ба онҳо шумораи зиёди ҷавонон фаро гирифта шуданд.
Тавре аз Хадамоти матбуоти Раиси вилояти Суғд хабар доданд, дар ин давра 143 нафар варзишгарони вилоят (31 нафар бонувон) дар 11 мусобиқаҳои ҷумҳуриявӣ ва 253 нафар варзишгарон (52 нафар бонувон) дар 6 мусобиқаҳои байналмилалӣ сафарбар карда шуданд.
Дар натиҷа варзишгарони вилоят дар мусобиқаҳои вилоятӣ, ҷумҳуриявӣ ва байналмилалӣ аз рӯи намудҳои олимпӣ ва ғайриолимпӣ 570 адад медал ба даст оварданд, ки 212 адади он медали тилло, 189 адад медали нуқра ва 169 адад медали биринҷӣ мебошанд.