Боздошти шаҳрванди Ҷумҳурии Қирғизистон бо гумони ба муомилот баровардани 44 кг симоби металлӣ
ДУШАНБЕ, 12.05.2017. /АМИТ «Ховар»/. Дар натиҷаи гузаронидани корҳои фаврӣ-ҷустуҷӯӣ кормандони шуъбаи Вазорати корҳои дохилӣ дар шаҳри Истаравшан кирдори ба ҷомеа хавфноки як нафар шаҳрванди Ҷумҳурии Қирғизистонро ошкор намуданд.
Тавре аз Вазорати корҳои дохилии Ҷумҳурии Тоҷикистон хабар доданд, маълумоти фаврӣ дар хусуси он, ки шаҳрванди Ҷумҳурии Қирғизистон Касимбаев Бактибек Уркасимович, соли таваллудаш 1966, сокини шаҳри Бишкек дар ҳудуди вилояти Суғд ба муомилоти ғайриқонунии моддаҳои заҳролуд, яъне металли симоб бо мақсади ба соҳибияти каси дигар додан машғул буда, дар ҷустуҷӯи харидор мебошад, ҳангоми санҷиши фаврии кормандони милитсия тасдиқи худро ёфт. Гумонбаршаванда Б.У. Касимбаев дар ду навбат зарфҳои шишагин ва пластикии дорои маводи моеъи ҷилодиҳандаи нуқрагинро ба муомилот баровардааст. Ташхиси кимиёвӣ моддаҳои заҳрноки навъи симоби металлӣ будани далелҳои шайъиро дақиқ кардааст, ки дар қаламрави Ҷумҳурии Тоҷикистон муомилоти он ғайриқонунӣ буда, бо таҳдиди ҷавобгарии ҷиноятӣ манъ карда шудааст.
«Дастгиршуда дар маҷмӯъ 44 670 (чилу чор килограмму шашсаду ҳафтод) грамм моддаи заҳрноки навъи симоби металлиро ба фурӯш бароварда, бар ивази ҳар як килограмми он 45 доллари ИМА талаб намудааст. Нисбат ба гумонбаршаванда парвандаи ҷиноятӣ оғоз карда шуда, ӯ дар ҳабси пешакӣ қарор дорад»,-иттилоъ доданд аз Вазорат.
Ҷаласаи корӣ бо иштироки роҳбарони мақомоти марказии иҷроияи ҳокимияти давлатии Ҷумҳурии Тоҷикистон доир гардид
ПЕШГИРИИ СӮХТОР. Қоидаҳо бар зидди сӯхторро қатъиян бояд риоя намуд
Милитсияи пойтахт аз шаҳрвандон талаб намуд, ки аз фурӯшу паҳнсозӣ ва истифодаи маводи тарфгарӣ худдорӣ кунанд
Ба муносибати таъсиси Воҳидҳои таъйиноти махсуси милитсия дар вилоятҳои Суғд, Хатлон ва Бадахшон ҷамъомади тантанавӣ доир шуд
РӮЗИ ТАЪСИСИ ВОҲИДҲОИ ТАЪЙИНОТИ МАХСУСИ МИЛИТСИЯ. Кормандони ин ниҳод вазифаҳои душвору масъулиятнок бар зимма доранд
Дар Минск вохӯрии вазирони корҳои дохилии Тоҷикистон ва Беларус баргузор гардид
Изҳороти Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон
«МУҚОВИМАТ БО КОРРУПСИЯ ДАР СОҲАИ ТИҶОРАТ». Дар Душанбе таҳти ин унвон форуми байналмилалӣ баргузор мешавад
Дар Душанбе оид ба усулҳои нави ҷамъоварии маълумот дар самти муқовимат ба савдои одамон ҷаласа доир шуд
Нақшаи даъвати тирамоҳии шаҳрвандони Тоҷикистон ба сафи Артиши миллӣ пурра иҷро гардид
Ҳайати Тоҷикистон дар конференсияи 26-уми байналмилалии раисони судҳои олии кишварҳои ҷаҳон иштирок намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 900 ҳодисаи сӯхтор ба қайд гирифта шудааст
