Дар Душанбе Ҷамъомади навбатии ҳайати роҳбарикунандаи сохторҳои зиддитеррористии мақомоти амният ва хадамоти махсуси кишварҳои узви ИДМ баргузор мешавад
ДУШАНБЕ, 30.05.2017 /АМИТ «Ховар»/. 31 май — 1 июни соли равон дар шаҳри Душанбе дар доираи Барномаи ҳамкории давлатҳои аъзои Иттиҳоди Давлатҳои Мустақил (ИДМ) оид ба мубориза бар зидди терроризм, экстремизм ва дигар ҷиноятҳои дорои хусусияти зӯроварӣ барои солҳои 2017-2019, ҷамъомади навбатии ҳайати роҳбарикунандаи сохторҳои зиддитеррористии мақомоти амният ва хадамоти махсуси кишварҳои ИДМ баргузор мешавад.
Зимни ҷамъомад натиҷаҳои марҳалаи якуми амалиёти якҷояи мақомоти дахлдори зиддитеррористии кишварҳои ИДМ таҳти шиори «Душанбе-Зиддитеррор-2017» ҷамъбаст шуда, баргузор намудани марҳалаи дуюми амалиёт дар назар дошта шудааст.
Мувофиқи нақша дар марҳалаи дуюми амалиёти машқии зиддитеррористӣ бо истифода аз неруҳои ҳарбӣ озод намудани гаравгонҳо ва безарар гардонидани террористони шартӣ дар иншооти муҳими давлатӣ (маркази радио ва телевизиони ҷумҳуриявӣ) гузаронида шуда, ҳамчунин амалиёти ҷангии ҷузъу томҳои Қувваҳои мусаллаҳи Тоҷикистон ва Федератсияи Россия барои дар иҳота гирифтан ва пурра несту нобуд кардани гурӯҳи мусаллаҳе, ки хати сарҳади давлатиро рахна кардааст, амалӣ карда мешавад. Дар марҳалаи дуюми амалиёт ҷузъу томҳои Қӯшунҳои сарҳадӣ ва Вазорати мудофиаи Ҷумҳурии Тоҷикистон, неруҳои округи ҳарбии марказии қувваҳои мусаллаҳи Россия, пойгоҳи 201-ум ва ҳавопаймоҳои неруҳои ҳарбӣ-ҳавоии Федератсияи Россия сафарбар карда мешаванд.
Дар доираи ҷамъомади Душанбе мулоқоти роҳбарияти Маркази зиддитеррористии кишварҳои аъзои ИДМ, КДАМ ҶТ ва ҳайати фармондеҳии округи ҳарбии марказии қувваҳои мусаллаҳи Федератсияи Россия бо намояндагони ВАО, инчунин намоиши силоҳу муҳимоти махсуси ҷангӣ баргузор карда мешавад.
Дар ҷамъомади Душанбе намояндагони мақомоти амният, хадамоти махсус ва сохторҳои зиддитеррористии кишварҳои аъзои ИДМ, созмонҳои байналхалқӣ ва дигар мақомоти дахлдор иштирок мекунанд.
Таваҷҷуҳ! Насби таҷҳизоти махсуси рӯшноӣ ва садо дар мошинҳои шахсӣ хилофи қонун аст
Дар панҷ соли охир музди меҳнати амалкунандаи кормандони мақомоти ҳифзи ҳуқуқ дар Тоҷикистон 100 фоиз зиёд карда шуд
Дар Қувваҳои мусаллаҳи Тоҷикистон даври якуми таҳсил оғоз гардид
Дар Раёсати Вазорати корҳои дохилӣ дар вилояти Суғд доир ба ҳифзи ҳуқуқу манфиатҳои ноболиғон ҳамоиш доир шуд
Вазорати корҳои дохилӣ: «Ҳеҷ гоҳ корти бонкӣ ё маълумоти онро ба шахсони сеюм надиҳед»
Дар Палатаи ҳисоб оид ба сиёсати ҳуқуқии давлат дар самти пешгирӣ ва муқовимат ба экстремизм ва терроризм машварат доир шуд
Ҷаласаи Комиссия оид ба ҳолатҳои фавқулода ва мудофиаи граждании ноҳияи Шаҳринав баргузор шуд
Прокуратураи генералӣ: «Дар робита ба кушторҳои дар шаҳри Конибодом рухдода гумонбарон дастгир гардиданд»
Дар Вазорати мудофиаи Тоҷикистон оид ба ҷамъбасти даъвати тирамоҳӣ ҷаласа баргузор гардид
1500 нафар ҷавонони синни даъватии вилояти Суғд даври омӯзишии ронандагиро хатм намуданд
Дар шаҳри Бодканд вохӯрии гурӯҳҳои кории ҳайатҳои ҳукуматии Тоҷикистон ва Қирғизистон баргузор шуд
Бахшида ба Рӯзи таъсиси Воҳидҳои таъйиноти махсуси Вазорати корҳои дохилӣ ҳамоиш доир шуд
