Мулоқоти Сафири Тоҷикистон бо роҳбари Гурӯҳи дӯстии байнипарлумонии Осиёи Марказии Бундестаги Олмон
ДУШАНБЕ, 01.05.2017. /АМИТ «Ховар»/. 28 апрел бо даъвати Сафири Фавқулода ва Мухтори Ҷумҳурии Тоҷикистон дар Олмон Маликшо Неъматов роҳбари ҳайати вакилони Бундестаг аз гурӯҳи дӯстии «Олмон ва Осиёи Марказӣ» Манфред Грунд ба Сафорати Ҷумҳурии Тоҷикистон дар шаҳри Берлин ташриф овард.
Тавре аз Сафорати Тоҷикистон дар Олмон хабар доданд, дар оғози мулоқот Сафири Тоҷикистон ҳамсуҳбаташро бо 25-солагии барқарорсозии муносибатҳои дипломатӣ байни Тоҷикистону Олмон табрик намуда, сафари расмии ҳайати вакилони Бундестаг аз гурӯҳи дӯстии «Олмон ва Осиёи Марказӣ»-ро бо роҳбарии Манфред Грунд рӯзҳои 8-11 апрели соли равон ба Тоҷикистон, барои вусъати ҳамкории гуногунҷабҳаи дуҷониба саривақтӣ ва муҳим арзёбӣ намуд.
Манфред Грунд сафари Гурӯҳи дӯстии байнипарлумониро ба Ҷумҳурии Тоҷикистон низ самаранок арзёбӣ намуда, иброз дошт, ки дар баробари вохӯриҳои судманд дар Парлумони Тоҷикистон ва Вазорати корҳои хориҷии кишвар, инчунин имкон доштанд, ки зимни сафар ба шаҳри Норак ва ноҳияи Фархор бевосита бо мардуми тоҷик ва дастовардҳои даврони соҳибистиқлолии Тоҷикистон аз наздик ошноӣ шинос шаванд.
Ҷонибҳо зимни суҳбат изҳори боварӣ карданд, ки минбаъд низ таҳкими ҳамкории байнипарлумонии байни Бундестаги Олмон ва Маҷлиси намояндагони Маҷлиси Олии Ҷумҳурии Тоҷикистон, рушду тавсеаи ҳамкории сиёсӣ, иқтисодӣ, сармоягузорӣ ва фарҳангиву башарии байни ду кишвари дӯст вусъати тоза меёбанд.
Имрӯз дар Тоҷикистон ҳавои тағйирёбандаи бебориш пешгӯӣ мешавад
Ба сокинони аз офати табиӣ зарардидаи ноҳияи Сангвор 17 манзили истиқоматӣ супорида шуд
COP29 бо қадамҳои муҳим дар самти мубориза бо тағйирёбии иқлим ва лоиҳаи нави маблағгузорӣ ба анҷом расид
Мактаб–интернати ҷумҳуриявии кӯдакони ятим ва Хона-интернати пиронсолон ва маъюбони ноҳияи Ёвон бо гармӣ таъмин мебошанд
«БЕҲТАРИН ҲАМСАР». Дар Тоҷикистон озмуни ҷумҳуриявӣ доир мешавад
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
