Баргузории иҷлосияи даҳуми Маҷлиси вакилони халқи вилояти Хатлон дар Қӯрғонтеппа
ҚӮРҒОНТЕППА, 28.06.2017 /АМИТ «Ховар» /. Пагоҳ, 29 июни соли равон дар шаҳри Қӯрғонтеппа иҷлосияи даҳуми Маҷлиси вакилони халқи вилояти Хатлон даъвати панҷум баргузор мегардад.
Тавре аз шуъбаи иттилоотӣ-таҳлилии Мақомоти иҷроияи ҳокимияти давлатии вилояти Хатлон иттилоъ доданд, дар иҷлосия рафти иҷрои қарори раиси вилояти Хатлон аз 14 октябри соли 2010 «Оид ба қарори Ҳукумати Ҷумҳурии Тоҷикистон аз 29 майи соли 2010 ва «Дар бораи тасдиқи Стратегияи миллии фаъолгардонии нақши занон дар Ҷумҳурии Тоҷикистон барои солҳои 2011-2020» дар шаҳру ноҳияҳои вилоят мавриди баррасӣ карор мегирад.
Инчунин ҳисоботи сардори Раёсати Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон дар вилояти Хатлон дар бораи муҳоҷирати дохилии аҳолӣ аз ноҳияҳои камзамин ва сераҳолии кӯҳистон ба водиҳои дорои заминҳои бекорхобидаи ҷумҳурӣ дар солҳои 2016-2018 шунида мешавад.
Ҳамчунин ба вакилон Комиссияи доимии Маҷлиси вакилони халқи вилояти Хатлон оид ба масъалаҳои аграрӣ, беҳдошти замин ва обёрӣ, идораи замин, ҷангал ва ҳифзи муҳити зист ҳисоботи худро пешниҳод хоҳад кард.
Пагоҳ дар якчанд вазорату идораҳо оид ба ҷамъбасти шашмоҳаи якуми соли 2025 нишасти матбуотӣ баргузор мегардад
Намояндагони Федератсияи футболи Тоҷикистон дар конфронси тиббии КФО иштирок намуданд
Имрӯз дар Тоҷикистон хавфи сар задани селҳои пиряхӣ боқӣ мемонад
Дар шаҳри Бохтар аз ҷониби Ҳизби Халқии Демократии Тоҷикистон 933 чорабинӣ доир карда шуд
Дар Тоҷикистон беш аз 45 миллион адад дору ва молҳои тиббӣ истеҳсол гардидаанд
Имрӯз дар Тоҷикистон ҳавои тағйирёбанда дар назар аст
НИШАСТИ МАТБУОТӢ. Дар Тоҷикистон дар беш аз 526 ҳазор метри мураббаъ хонаҳои истиқоматӣ ба истифода дода шудаанд
Байни Маркази тадқиқоти стратегии назди Президенти Ҷумҳурии Тоҷикистон ва Институти миллии тадқиқоти амниятии Муғулистон Ёддошти тафоҳум ба имзо расид
Имрӯз дар Тоҷикистон ҳарорат ба 38 дараҷа мерасад
Тоҷикистон мубодилаи почтаро бо Русия барқарор намуд
