Дӯсти содиқи Тоҷикистон Манфред Лоренс дар Берлин аз олам даргузашт
ДУШАНБЕ, 24.06.2017./АМИТ «Ховар»/. Дирӯз, 23 июн дар қабристони Панкофи пойтахти Ҷумҳурии Федеролии Олмон-шаҳри Берлин маросими дафни профессори Донишгоҳи Берлин ба номи В. Гумболд, олими шарқшиноси маъруф, дӯсти содиқи Тоҷикистон ва мардуми тоҷик Манфред Лоренс баргузор гардид. Ӯ 25 май ин оламро тарк кард. Чанд рӯз қабл аз марг ӯ бо шикояти дарди ҷигар дар яке аз беморхонаҳои Берлин бистарӣ шуда буд, вале мутаассифона духтурон натавонистанд ба дарди ӯ чора кунанд. Дар ин бора ба АМИТ «Ховар» аз Сафорати Тоҷикистон дар Олмон хабар доданд.
Дар маросими дафни олим наздикону пайвандон, ҳамкасбон, намояндагони илм, адабиёт ва фарҳанг иштирок намуданд. Дар ин маросим Сафири Тоҷикистон дар Олмон Маликшо Неъматов иштирок намуда, ба фарзанди марҳум номаи тасаллият супорид ва дар сари қабри шодравон гулчанбар гузошт.
Профессор Лоренс дар Ғарб яке аз шарқшинос-эроншиноси маъруфтарин ба ҳисоб рафта, яке аз донишварони забон ва адабиёти тоҷикӣ буд. Ӯ солҳои 70-80-ум мулоқотҳои расмии сатҳи олӣ миёни роҳбарони ҶДО-ро бо сарони Эрон ва Афғонистон тарҷума намудааст.
Бори аввал Манфред Лоренс соли 1975 ба Тоҷикистон омадааст ва то имрӯз ӯро дӯстии қавӣ бо кишвари мо ба ҳам мепайвандад. Ӯ муаллифи як қатор китобҳои дарсӣ доир ба забоншиносӣ мебошад, ки аз онҳо чандин донишҷӯёни Донишгоҳи Берлин ба номи В. Гумболд забонҳои тоҷикӣ, форсӣ ва ғайраро омӯхтаанд. То солҳои охир профессор Лоренс ба Тоҷикистон ташриф меовард ва инҷо дар миёни зиёиён дӯстони наздики бисёр дорад.
Соли 2011 дар ҷараёни сафари расмии худ дар Берлин Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Манфред Лоренс барои саҳми арзандааш ба таҳкими дӯстӣ миёни кишварҳо ва халқҳоямон ордени «Дӯсти» тақдим намуданд.
Ба хешону пайвандон ва тамоми дӯстони профессора Лоренс дар Тоҷикистон изҳори тасаллият менамоем.
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
МАСЛИҲАТИ МУТАХАССИС. Мураббои анҷир кори дил ва рагҳои хунгардро муътадил мегардонад
Дар ҳашарҳои экологӣ 9 км канори шоҳроҳи мошингарди Исфара-Хуҷанд аз партовҳо тоза карда шуд
Имрӯз дар Тоҷикистон сар задани селҳои пиряхӣ аз эҳтимол дур нест
Дар Суғд ғолибони даври вилоятии озмунҳои ҷумҳуриявӣ муайян гардиданд
