Истаравшан: Б. Иноятзода соҳибкоронро ба заҳмати софдилона даъват намуд
ДУШАНБЕ, 07.06.2017. /АМИТ «Ховар»/. Дирӯз дар Мақомоти иҷроияи ҳокимияти давлатии шаҳри Истаравшан мулоқоти иҷрокунандаи вазифаи Раиси шаҳри Истаравшан Баҳром Иноятзода бо соҳибкорон доир гардид.
Тавре аз Мақомоти иҷроияи ҳокимияти давлатии шаҳри Истаравшан хабар доданд, дар мулоқот масъулини мақомоти иҷроияи ҳокимияти давлатии шаҳр, роҳбарони сохторҳои дахлдор, соҳибкорони хурду миёна ва намояндагони ВАО иштирок намуданд.
Баҳром Иноятзода иброз дошт, ки бо дастгирии Президенти Ҷумҳурии Тоҷикистон ва Ҳукумати ҷумҳурӣ ҷиҳати пешбурди сиёсати давлатии дастгирии соҳибкорӣ, таҳкими бахши хусусӣ тавассути фароҳам овардани шароити мусоиди тиҷорат тадбирҳои зарурӣ амалӣ мешаванд.
«Зина ба зина болоравии нишондиҳандаҳо дар самтҳои саноат, сохтмон, кишоварзӣ, буҷет, нақлиёту алоқа, иҷтимоию фарҳангӣ нишон аз пешравию инкишофи бахшҳои хоҷагии халқ мебошад»,-гуфт Баҳром Иноятзода.
Ҳоло дар миқёси шаҳру деҳоти Истаравшан зиёда аз 12 ҳазору 407 нафар соҳибкорон фаъолият доранд. Имрӯзҳо аз ҷониби соҳибкорон бахшида ба 20- солагии Рӯзи Ваҳдати миллӣ корҳои созандагиву бунёдкорӣ вусъати тоза гирифта, онҳо ният доранд, ки чанд иншооти дорои таъйиноти иҷтиморо дар рӯзҳои тақлили ин санаи фархунда мавриди баҳрабардорӣ қарор диҳанд.
Зимни мулоқот соҳибкорон оид ба таъсиси минтақаҳои озоди иқтисодӣ дар шаҳр ва бартарафсозии муаммоҳое, ки дар фаъолияи соҳибкорӣ монеа эҷод мекунанд, пешниҳодҳои судманд баён намуданд.
Баҳром Иноятзода соҳибкоронро ба заҳмати софдилона ва иқдому фаъолияти ватандӯстона, инчунин ба густариши минбаъдаи ҳамкорӣ баҳри ободу зебо намудани Истаравшани бостонӣ даъват намуд.
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
МАСЛИҲАТИ МУТАХАССИС. Мураббои анҷир кори дил ва рагҳои хунгардро муътадил мегардонад
Дар ҳашарҳои экологӣ 9 км канори шоҳроҳи мошингарди Исфара-Хуҷанд аз партовҳо тоза карда шуд
Имрӯз дар Тоҷикистон сар задани селҳои пиряхӣ аз эҳтимол дур нест
Дар Суғд ғолибони даври вилоятии озмунҳои ҷумҳуриявӣ муайян гардиданд
Имрӯз дар Тоҷикистон чангу ғубор боқӣ мемонад
