Таҷлили Рӯзи Ваҳдати миллӣ дар Хадамоти гумрук
ДУШАНБЕ, 24.06.2017 /АМИТ «Ховар»/. Ба ифтихори Рӯзи Ваҳдати миллӣ дар Хадамоти гумруки назди Ҳукумати Ҷумҳурии Тоҷикистон дар мавзӯи «Омилҳои таҳкими Ваҳдати миллӣ» ҷаласаи идона баргузор гардид.
Сардори шуъбаи кор бо ҳайати шахсии Хадамоти гумрук Холмаҳмад Раҷабов ҳайати шахсиро аз номи роҳбарияти Хадамоти гумруки назди Ҳукумати Ҷумҳурии Тоҷикистон табрик намуда, доир ба нақши ин санади барои миллати тоҷик сарнавиштсоз- Созишномаи умумии истиқрори сулҳ ва ризоияти миллӣ дар Ҷумҳурии Тоҷикистон сухан кард.
Зикр шуд, ки бо шарофати ба имзо расидани ин санади тақдирсоз дар Тоҷикистон сулҳу суботи комил пойдор гардида, кишварамон ба марҳилаи рушд ворид гардид. Таъкид шуд, ки Ваҳдати миллӣ ҳамчун омили муттаҳидсозандаи тамоми мардуми Тоҷикистон шароит фароҳам овард, ки бо истифодаи арзишҳои аз ҷониби ҷомеаи ҷаҳонӣ эътирофшуда дар ҷумҳуриамон таҳкурсии ташаккули ҷомеаи шаҳрвандӣ гузошта шавад ва беҳтар гардидани сатҳи зиндагии мардум, ободӣ ва ояндаи давлатамон заминаи мусоид муҳайё гардад. Дар ин росто, имзои Созишномаи умумии истиқрори сулҳ ва ризоияти миллӣ, ҳамчун дастоварди бузурги таърихӣ оғози гардиши куллӣ дар ҳаёти сиёсӣ, иҷтимоӣ ва маънавии халқи тоҷик маънидод гардид. Зикр шуд, ки бояд неъмати бебаҳо ва муқаддас – Ваҳдати миллиро пос дошта, ба қадри он расем ва ҷавонони ватандӯсту ватанпарварро тарбия намоем, то дар оянда ин гавҳари ноёбро ҳифз намоянд.
Ҳамзамон дар ҷаласа мушовир ва ҳамоҳангсози ҳаракати Ваҳдати миллӣ ва эҳёи Тоҷикистон Рамазонӣ Давлатов роҷеъ ба паҳлуҳои аҳамияти таърихии ин санади барои миллати тоҷик сарнавиштсоз сухан карда, нақши онро дар таҳкими сулҳу субот рушди давлатдории навини тоҷикон муҳим арзёбӣ намуд.
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
МАСЛИҲАТИ МУТАХАССИС. Мураббои анҷир кори дил ва рагҳои хунгардро муътадил мегардонад
Дар ҳашарҳои экологӣ 9 км канори шоҳроҳи мошингарди Исфара-Хуҷанд аз партовҳо тоза карда шуд
Имрӯз дар Тоҷикистон сар задани селҳои пиряхӣ аз эҳтимол дур нест
Дар Суғд ғолибони даври вилоятии озмунҳои ҷумҳуриявӣ муайян гардиданд
