11 июл — Рӯзи умумиҷаҳонии нуфуси аҳолӣ. Имсол он ба бунёду ташкили оила бахшида мешавад
ДУШАНБЕ, 11.07.2017 /АМИТ «Ховар»/. Имрӯз бахшида ба Рӯзи умумиҷаҳонии нуфуси аҳолӣ дар Маркази иттилоотӣ-омӯзишии Созмони Милали Муттаҳид дар Тоҷикистон ҷамъомади идона таҳти унвони «Ба мардум хушҳолӣ бахш ва миллатро рушд бидеҳ!» баргузор гардид.
Зимни ҷамъомади идона намояндаи UNFPA- Фонди СММ доир ба нуфуси аҳолӣ дар Ҷумҳурии Тоҷикистон Азиза Ҳамидова ҳозиринро бо ин ҷашн табрик намуда, аз таърихи таъсисёбии ин рӯз ёдовар шуд. Ӯ зикр намуд, ки мавзӯи асосии баррасишавандаи ин ҷашн дар соли равон ба бунёду ташкили оила бахшида мешавад.
Ба гуфтаи Азиза Ҳамидова, қаблан роҳбарони кишварҳои ҷаҳон, олимону файласуфон аз он бонги хатар мезаданд, ки аҳолӣ торафт дар ҳоли афзоиш аст ва мо онҳоро ҳамаҷониба наметавонем таъмин созем ва беҳтар аст, ки шумораи онҳо кам гардад. Ин андеша куллан хатост. Имрӯз ин андешаро ҳеҷ як созмон, аз ҷумла СММ ҷонибдорӣ намекунад. Барои мо хеле муҳим аст, ки ҳар як инсон дар олам бо майлу рағбат ва интизориву умедвориҳои зиёд тавлид ёбад ва волидонаш хостори ба дунё омадани ӯ бошанд.
Бояд гуфт, ки ҳамасола 11 июл ҳамчун Рӯзи умумиҷаҳонии нуфуси аҳолӣ дар саросари олам ҷашн гирифта мешавад. Ҷашнгирии ин сана бо номи «World Population Day» аз ҷониби Созмони Милали Муттаҳид соли 1989 тасдиқ гардидааст. Созмони мазкур ҳар сол омори ҷаҳонӣ ва афзоиши нуфуси аҳолиро назорат ва мушоҳида мекунад. Ҳар сол дар Венгрия намояндагони соҳаи омори ҷаҳонӣ машварат доир мекунанд, ки дар он аз тамоми гӯшаву канори дунё мутахассисони соҳа ҷамъ омада, доир ба корҳои анҷомдода ҳисобот медиҳанд.
Тибқи тадқиқоти СММ, то соли 2050 шумораи аҳолии кураи Замин ба 10 миллиард нафар наздик мешавад. Ҳамчунин дар гузориш гуфта мешавад, ки соли 2100 аҳолии Замин аз 7,6 миллиард нафари феълӣ то ба 11,2 миллиард хоҳад расид.
Дар гузориш ҳамчунин дарҷ гардидааст, ки ояндаи наздик Ҳиндустон аз рӯи шумораи аҳолӣ аз Чин пеш мегузарад: ин соли 2024, вақте иттифоқ меафтад, ки аҳолии Ҳиндустон 1,4 миллиард нафарро ташкил хоҳад дод.
Дар Ҷумҳурии Тоҷикистон бошад шумораи аҳолӣ соли 2013 бо таваллуди кӯдаке дар шаҳри Душанбе ба 8 миллион нафар расид. Унвони ифтихории «Шаҳрванди ҳаштмиллионаи Тоҷикистон» насиби духтарчаи навзоде бо номи Сумая гардид, ки субҳи 5 феврали соли 2013 ба дунё омад.
«КИТОБ БАРОИ МУҲОФИЗОНИ ВАТАН». Бахшида ба Рӯзи Қувваҳои Мусаллаҳи Ҷумҳурии Тоҷикистон иқдоми тақдими китоб идома дорад
Имрӯз дар баъзе ноҳияҳои Тоҷикистон бориши борон ва барф дар назар аст
АМАЛИЁТИ «ПИЁДАГАРД». Ҳадафи он коҳиш додани сатҳи садаманокӣ дар Тоҷикистон аст
МУШОҲИДОНИ БАЙНАЛМИЛАЛӢ. Қоидаҳои иштирок ва мақоми онҳо дар интихоботи вакилони Маҷлиси намояндагони Маҷлиси Олии Ҷумҳурии Тоҷикистон чӣ гуна аст?
«ЭЪЛОМИЯИ ҲУҚУҚИ БАШАРИ КУРУШИ КАБИР». Ин санад бузургтарин мероси маънавӣ дар миқёси умумибашарӣ аст
Имрӯз дар баъзе ноҳияҳои Тоҷикистон борон меборад
Танбашавии мошинҳо дар роҳҳои байналмилалие, ки аз маркази шаҳри Ваҳдат мегузаранд, кай бартараф мегардад?
ҲИСОББАРОБАРКУНИИ ҒАЙРИНАҚДӢ. 6 миллион амалиёти пардохти андоз ва боҷҳо ба тариқи ғайринақдӣ анҷом ёфт
НАВРАСОНИ АСРИ ТЕХНОЛОГИЯ. Дар Душанбе машварати омӯзишӣ аз фанни технологияи иттилоотӣ доир шуд
Имрӯз дар баъзе ноҳияҳои Тоҷикистон борон ва барф меборад
ҶАМЪБАСТИ НИШАСТҲОИ МАТБУОТӢ. Имрӯз дар Вазорати молия, Кумитаи рушди сайёҳӣ, Прокуратураи генералӣ ва Агентии назорати давлатии молиявӣ ва мубориза бо коррупсия нишасти матбуотӣ баргузор мегардад
Дар Женева дастовардҳои Тоҷикистон дар соҳаи роҳу нақлиёт муаррифӣ шуд
